偷食嘅男人隨時都有個喺左近，當你有懷疑，覺得硬係好似有啲嘢唔妥嘅話，你就要碌大雙眼睇下對方有無古怪喇。但出軌男往往都善於隱藏自己同第個女人嘅勾搭，反而仲會令你覺得自己好神經質、諗太多。
到底有咩徵兆係反映男人好大機會喺出面收埋個女人呢？留意以下6點啦！
1. 出席公司活動時無邀請你
當對方出席公司活動嗰陣無再邀請你做佢partner，又或者去公幹嘅次數愈嚟愈密，當中就可能有啲古怪。即使佢未偷食，但兩個人分隔兩地始終有潛在危機。
2. 突然有新嘅習慣或品味
假如佢以前明明唔鍾意做嘅某樣嘢，突然之間成為咗佢嘅習慣的話，有可能係佢真係有新嘅體驗，或者係有「人」教佢咁做。呢個時候你最好就問吓佢點解，觀察佢點樣回答。如果佢即刻起晒槓，唔想回應你嘅話，就可能有古怪！
3. 你唔再知道佢嘅密碼
以前無論係對方嘅電腦、手機，你都可以隨意咁睇，但突然有一日你發現佢改晒密碼，咁佢好有可能收埋咗啲秘密唔想你知！
4. 變得好注重自己嘅形象
明明以前打扮邋邋遢遢、好日都唔做一次運動，突然間出門前都要打扮得企理，仲每日都去gymroom操肌肉，到底佢係想令自己變得更好嚟吸引你……定係吸引第個女人呢？
5. 比以前容易發脾氣
偷食嘅人內心唔多唔少都會感到歉疚，不時都會好似捉住一啲小事嚟嗌交，甚至乎怪責佢嘅伴侶，感覺脾氣變得好差，其實咁樣只係合理化咗佢覺得呢段戀情變咗質、對方唔適合佢嘅諗法。如果佢面對問題都唔肯好好同你溝通，咁你就要留意吓佢係咪真係出軌喇。
6. 開始會避開你
如果佢突然花好多時間飲酒、賭錢、食煙等，或者經常都想你離開由得佢自己靜吓，一係就佢喺工作上或心理上承受好大壓力宣洩唔到出嚟，一係就只係用嚟掩飾佢花喺第個女人身上嘅時間……
（圖片來源：shutterstock、tumblr）
