（網上圖片）
「可惜…聲音／不再被軟禁／如像困獸一般…」這首Beyond的歌，近日常在腦海中盤旋。有野想講，又講唔出口，的確幾煩。
有時，可能編輯覺得我啲字有沙石，之前改過執左；而有啲地方，可能意思上不夠清楚，語意曖昧，表達不佳，同原意亦可能有出入，非我所願。
文字，同音樂、聲音一樣，好個人化，極之personalized。音樂同文字，一樣可以隨意玩、隨意寫，亦可認真玩、認真寫，不過，都要正正經經、正正規規去學。
我小時候，都有玩吓band、彈吓野，在觀塘廠廈同人合租band房，每星期都會上去玩兩、三次。唱過nirvana、incubus、bon jovi、red hot chili peppers、greenday等等……之類的歌，其實我心繫於britpop，最最最喜歡都是suede，如the two of us、sadie、another no one等等，都只有brett anderson才能唱出神韻。仲有，travis的why doesn’t it always rain on me、savage garden的truly madly deeply、the verve 的the drugs don’t work、ocean colour scene的better day等等，都非常喜歡。雖然我唱得麻麻，彈得又so so，閒時都會有機會，去星光大道、學校、社區中心等表吓演玩下，心情都好暢快。以前，覺得rap吓、唱吓又狂叫吓，好似aerosmith steven tyler咁好正，但若果個pitch唔準，會好唔好聽。
以前，非常喜歡聲嘶力竭式的，信樂團的死了都要愛。宜家，更鍾意eason stranger under my skin式的低沉吟誦。
近來，老了，要懂用聲，要保護聲音的質素，先有意欲去了解吓聲線究竟是甚麼。經朋友介紹下，認識左自然聲線發聲技巧，希望學懂原理之後，對講野同唱野，都會有幫助。朋友說，基本上，人一出世，就已懂得發聲，就好似嬰兒時，肚餓已懂大哭，係與生俱來。成長過程中，受到種種外來因素影響，食物、生活習慣等導致發聲技巧改變，衍生出各種不同類型的聲帶問題，沙啞、無力、過高音、哽喉等等。
朋友用唱歌，來做教學模式，使用一套方法，來協助個人尋回最自然、最基本的發聲技巧，而用這種發聲技巧來唱歌，能達至發出一把健康及與生俱來的聲音(真正的聲線)。
日常說話時，使用的氣壓、動力、音階運用等，比起唱歌時相對少，發聲問題不易顯露和發現。歌唱時，問題容易放大，就能對症下藥改善。在歌唱時出現的用聲問題，代表在平時說話中亦存在。每個人的慣性問題、對聲音的使用頻率都不同，因此會有不同類型的問題發生；而自身可以存在超過一種慣性問題，故改善方法因人而異。
於一個開心快樂的環境下，輕鬆學習發聲技巧及概念，健康又舒服地改善聲線問題。因為，聲帶係身體肌肉一部份，都需要適當訓練，就好似健身、跑步、跳舞訓練肌肉。朋友的品牌叫「Vocal Natural Level V.N.L」，而網上亦有很多不同的老師，專業教授各式各樣的用聲、演唱、演講等技巧，真的有需要去學一下。
以前，細個成日唱歌，上高音時感覺較輕鬆，力量較澎湃。宜家，感覺會上不到，音質亦不好，或維持不久，有點飄浮。唱「怎麼捨得你」時要由A降G，那些年要由F降E，死了都要愛那句最後副歌「窮途末路都要愛」，用假音先唱到，仲唔好聽呀。有時，仲會唱唱吓，到第二個verse、而chorus都未到時，已經覺得悶，唱唔到落去啦。
不過，骨子裡，我都是喜歡音樂和唱野的，有時，自我陶醉吓，可當減壓，有朋友一齊玩時，仲過癮呢！
聲音。聲線。聲調
