對女士嚟講應該係個好消息,最新有研究指男人平均嘅下體尺寸比以前大咗接近一吋!

Kings College London喺2016年就做咗項研究,統計15,521名男性嘅下體尺寸,結果顯示陰莖勃起後嘅長度平均有5.16吋。

但到咗今年,最新由安全套品牌SKYN所作嘅網上統計結果發現,3,037名年齡介乎18至34歲嘅受訪者,丁丁於完全勃起後長約6.1吋,比起舊年嘅研究結果增長咗成吋咁多!

有人就指男人丁丁愈嚟愈長係因為進化,但亦有人指出最新嘅研究結果或者出現偏差。原因係SKYN嘅調查方式係網上問卷,由受訪者自己填寫,而男人都傾向作大自己嘅下體尺寸,所以就會有咁嘅結果。

大家都普遍覺得丁丁size當然愈大愈好,可以令女性更容易有高潮,而且曾經有統計指女人平均都覺得6.2寸係最理想嘅丁丁尺寸。綜合咁多嘢嚟講,係咪就解釋到點解調查結果會顯示出新一代男性嘅下體愈嚟愈長呢?

(圖片來源:aliexpress、tumblr)