平時做嘢咁忙，好好瞓一覺真係好重要，原來只要把握呢個竅門，瞓覺仲可以幫你做到減肥、提升生育率等5大好處！
根據英國醫生Sarah Brewer所講，原來裸睡可以有助減肥，原因係當身體溫度較高時，身體會過度分泌皮質醇，導致食慾增加。
此外，因為無衣服嘅束縛，裸睡嘅身體溫度會較低，可能避免有時太熱扎醒嘅情況。醫生指身體溫度上升3-4度會增加扎醒嘅機會，亦會令人較難進入深層睡眠。
裸睡亦分別為男女帶嚟唔同嘅好處。裸睡可以提高男性生育率，因為男性荷爾蒙睪丸酮會喺夜晚分泌，而喺高溫情況下就會減少分泌。一絲不掛咁瞓覺亦可讓女性減低敏感部位受感染嘅機會，因為無咗內褲同衣物侷住，敏感部位可以保持通風乾爽，真菌自然就唔無得作惡啦。
情侶或夫妻一齊裸睡仲可以增進感情，因為兩人身體無咗衣服嘅阻隔，以最貼近嘅距離感受對方嘅溫度，有助提升幸福感，亦會令性慾大增。
既然裸睡好處咁多，大家不妨都感受吓一絲不掛嘅自由奔放啦！
（圖片來源：tumblr）
