聰明可以分好多種，分數唔代表一切，相信現實中大家都絕對不乏同高分低能人交手嘅經驗。科學家一直都花好多心機想揾出聰明人嘅特點，包括基因、生活習慣等等，以下呢7個特徵就係佢哋嘅研究結果。睇落有唔少都係人見人憎嘅壞習慣，但原來係代表住你特別聰明！大家又有無中到呢？
1. 懶惰
研究發現好聰明嘅人無咁容易會覺得悶，佢哋睇落會無咁active、懶懶行咁，但咁其實係代表佢哋鍾意靜靜地思考多過周身郁啊！
2. 從錯誤中學習
有智慧嘅人會接受自己所犯嘅錯誤，並且會從失敗嘅經驗中學習，等自己可以繼續進步。
3. 經常講粗口
講粗口代表詞彙匱乏、無文化？錯喇！據2015年嘅一份研究報告指，成日講粗口反而係代表緊IQ特別高！
4. 捱夜唔瞓覺
根據Psychology Today一份研究指，聰明嘅小朋友大個咗多數會變成夜瞓嘅大人。
5. 經常睇書
呢個就唔使講都知啦，讀書能知天下事，睇得書多自然學識淵博，原來仲可以提升記憶力、溝通技巧同埋專注力！
6. 欣賞黑色幽默
有關死亡、疾病、戰事等嘅黑色幽默，佢哋笑點唔係人人都領略到！假設你都擁有同樣嘅笑點，就證明你特別聰明喇！
7. 飲酒吸毒
呢點真係只可以話……叻人往往都有啲常人難以理解嘅習慣！
喺2012年，英國學者就發覺年幼時IQ高同長大後吸毒之間有所聯繫！而另一項研究亦都發現喺兒時或青少年期間喺IQ測試中攞到高分嘅，當中長大後都傾向比低分嘅較鍾意飲酒。但嬴咗個腦，輸咗條命，又係咪真係抵呢？
（圖片來源：tumblr）
