裝修風水學 : 燈具風水知多少 (二) (巨龍)

家居中如果採光唔好、佈局唔合理嘅話，好容易留低一D陰暗、潮濕嘅角落，俾人陰森森嘅感覺。現時好多家居中嘅客廳就常有呢類情況，原來已經犯咗風水禁忌，但其實只要係呢D地方合理安裝燈具，經常保持開著，就能夠有效改善對家居不良嘅氣場。咁燈具對家居風水方面仲有咩影響？以下裝修佬同大家分享客廳燈飾風水part 2。

客廳係風水屬於陽性，所以客廳燈具要夠高夠光，以令燈光能夠散佈到每個角落。倘若客廳燈具較多，應儘量選擇相互匹配，以保持客廳整體風格協調一致。若客廳面積較大，可利用燈具對區域做適當嘅劃分，比如安裝暖色吊燈營造溫馨氛圍，安裝細射燈、筒燈等改變採光唔好嘅局面。

招財離唔開燈光運用，客廳明亮代表貴人運旺，所以客廳燈具儘量唔用日光燈或白光，最好用帶黃色燈光嘅素燈，既可以帶來溫暖和諧感，亦可以帶來旺盛人氣同財氣。另外，客廳有幾個角落屬於家中財位，應該精心佈置運用，可以選擇一盞明亮嘅客廳燈具照亮財位。

合理運用客廳燈具可改善住宅磁場，即可放大空間感，又可防止小人破壞財運。 客廳燈具係數量上通常以單數為佳，燈飾主要係一晚發揮作用，夜晚屬陰，而燈光屬陽，單數亦屬陽，所以可用燈具嘅陽性來緩和夜晚嘅陰性，以達到陰陽平衡。但係射燈平排照射時，應注意唔好出現三盞燈並排嘅情況，呢種佈局類似於擺咗三支香，係風水上係大忌，容易影響家居運勢。

客廳燈具選擇最好係根據業主命理來決定，唔可以盲目跟風，人雲亦雲。通常客廳天花燈最好用圓形吊燈或吸頂燈，切忌選擇一D造型怪異或有尖角嘅燈具，以免產生唔好影響。

黃色五行屬土，從五行相生角度來講，土生金，所以係客廳佈置一盞黃色光源嘅燈具有招財效果。就黃水晶本身而言，佢帶有招偏財能量，所以客廳使用黃色水晶燈嘅招財旺財功能就會更強，所以係客廳財位上安裝黃色水晶燈可增加主人財運。

紅色本係喜慶色彩，大吉大利，但係客廳燈具風水中，佢卻係不利因素。紅色燈光濃烈而刺眼，倘若係客廳中安裝帶紅色光源燈具，就會容易令人產生煩躁不安、緊張情緒，所以最好避免使用。

裝修佬溫馨提示

係情況允許嘅情況下，客廳燈具最好每兩年左右更換一次，現在用嘅係平底圓燈，咁過兩年就可換成平底方形燈。還要記住嘅係，只要燈泡壞，咁就一定要及時更換，以免影響家居運勢。

(以上圖片均來自網路，如有任何版權問題，請與本站聯絡)