黎曉陽錄新歌《I will be alright》做生日禮物

黎曉陽（Michael）日前為新歌《I will be alright》錄音，在錄音期間令Michael感受到十分窩心的開心事，因為同事們為他送上一個驚喜生日蛋糕，今日是他的25歲牛一，其實還未到正日生日他收到6個生日蛋糕，他要提醒自己又大一歲了！

今日(3月16日) 是Michael的25歲生日，日前他為新歌錄音，完成工作後同事們神秘地送上生日蛋糕，提早預祝生日，令工作中的Michael十分驚喜。Michael表示，《I will be alright》這首歌是他送給自己生日的一份禮份， 但意想不到同事這樣貼心，靜靜雞送上生日蛋糕，他的生日願望是開開心心，日日好天氣！過去生日他少特別慶祝，他說：「其實我好怕過生日，有一年生日有朋友為我搞咗個神秘生日會，不過我因為心情唔好，所以冇出現，我覺得生日一個人過都得，事後我先知朋友嘅心意，現在人長大咗，知道人哋對你係心意，今年25歲生日已經收到6個生日蛋糕，其實生日同朋友一齊分享係開心事。」

Michael的新歌《I will be alright》是新鮮出爐的，因為歌詞是錄音當天才得到，連編曲也是即場做，所以是即興錄音，他笑說：「呢首歌係我送畀自己嘅生日禮物，因為有時唔好太看重自己，睇自己渺少啲，多啲關心身邊人，咁自然會開心，正日生日會去電台訪問，唔一定要去玩嘅！」Michael又表示，作這首歌的意念是有時某些場合會見到啲朋友問我：『how are you?』我會唔識答，所以我想講我係冇問題，咁就作咗呢首歌《I will be alright》，因為我覺得只要相信自己就會OK！」