【裝修風水學】客廳背景牆有甚麼風水禁忌？

（文：巨龍）

現時客廳牆已經唔再係白雪雪嘅牆面，可以係造型色彩變化多端嘅背景牆，令客廳更有睇頭有亮點。新式背景牆嘅流行，已經步入各個家庭，但係咪所有背景牆嘅設計都符合風水一說呢？又有啲咩禁忌同講究呢？裝修佬話你知。

客廳背景牆風水禁忌 

電視背景牆色調及形式宜忌 東向客廳，背景牆宜以黃色來做主色，南向客廳背景牆宜以白色來做主色，西向客廳背景牆 宜以綠色來做主色，北向客廳背景牆宜以紅色來做主色。此外，東南向主色宜用黃色，西南 向主色宜用藍色，西北向客廳主色宜用綠色，東北向客廳主色宜用藍色。 

電視背景牆造形宜忌 

電視背景牆造形要避免有尖角、突出設計，儘量唔好對背景牆進行毫無意義嘅淩亂分割，宜採用圓形、弧形或平直無棱角嘅線形為主要造型。 

電視背景牆設置方位宜忌 

電視背景牆唔可以設置係財位上，住家財位主清靜、安定，而電視機則喧鬧嘈雜，另外電視背景牆不宜面對住窗或處於開窗牆上。 

背景牆掛畫及飾物宜忌 

係背景牆上掛畫一來係為咗美觀，二來係為咗化解不良風水，係選擇時必須謹慎，要選購寓意吉祥嘅圖畫。 

背景牆兩旁植物擺放宜忌 

係風水上來講，屋企擺放植物的確可以為屋企增添生氣，有D甚至起到化煞作用，但並唔係所有植物都適合擺放係客廳，例如有刺嘅或呈針狀嘅，譬如杜鵑、玫瑰、仙人掌等，就唔適宜擺放係客廳，可選擇一D枝葉茂盛嘅植物，顏色以青綠為宜，有花亦可，譬如紫羅蘭、萬年青、龍骨等。 

客廳背景牆風水講究 

客廳背景牆造型要避免有尖角、突出設計，如三角形，以免形成煞相。 

客廳背景牆要儘量唔好進行淩亂劃分，否則容易產生精神緊張，心神不寧感。 

背景牆宜採取圓形、弧形或方形，寓意圓融平和、家庭和美、平安、方正正派。

(以上圖片均來自網路，如有任何版權問題，請與本站聯絡)