【裝修風水學】一定要避免！10大家居壞風水

生活當中有好多容易破壞磁場嘅風水，雖然好多野都係微不足道，但係好有可能會影響日後健康，事業，財運。

好嘅風水助你風山水起，壞風水可能導致破財敗家，希望自己屋企有好風水就快啲檢查下屋企有無以下情況，有的話要及時改善！

（文： 巨龍）

1. 屋企太多鏡 

鏡係風水來講屬陰寒容易會招邪，如果屋企太多鏡會造成夫妻耗財，即係話呢對夫妻奢侈、浮華，買啲不切實際嘅野，支出會超過收入，久而久之屋企嘅經濟愈來愈差。  

2. 牆面裂開 

屋企牆面最好無裂開，尤其係客廳，牆面有裂痕係非常唔好嘅情況，代表屋企人易病，或者會發生意外，所以如果屋企牆面有裂開嘅問題一定要及時處理。 

3. 門柱同門彎曲或破裂 

門柱係門嘅四個面柱，門柱或門有彎曲或者破裂，代表財神唔會入來，窮神反而入來，如果門有彎曲或破裂問題記得及時更換。 

4. 睡房貼瓷磚 

瓷磚應該係用係廁所同廚房，但有人連睡房都直接貼瓷磚，咁係不利於風水,因為瓷磚會脫落，相對來講代表屋企嘅財運會唔好。 

5. 夫妻睡床三面靠牆 

為咗節省空間，將床三面靠牆，但床三面靠牆嘅擺設會有囚禁係入面嘅感覺，而睡房又代表咗暗財位，財位被囚禁，財當然會入唔到來。 

6. 蜘蛛網清唔完 

咁代表你容易病，因為屋企氣場不好，成個屋企好多蟲，太多穢氣。 爐具或者飯煲破裂 爐具或飯煲壞咗唔丟，係風水學來講係非常不利，咁做會害你永遠唔可以翻身，財神亦唔會上門。 

7. 祖先相片流淚 

流淚係指屋企潮濕，水氣太重，相片前嘅玻璃上就有水珠，水珠望落就好似係祖先眼隔離，猶如祖先流眼淚。呢個係警告，可能會係子孫有災難，屋企生意問題等，一定要及時處理。 

8. 流浪貓臨門 

流浪貓臨門等於貓來孝，而孝就係你屋企有災禍，你就要做孝、戴孝，亦即係會有死亡、意外災害，而且如果貓留係度唔走，咁代表你屋企有D角落陰暗嘅地方，意思就係你屋企嘅氣場唔好。 

9. 魚肚朝天 

係中國人眼中，魚係一種吉祥物，好多人都會係自己屋企養金魚。其實，係屋企養金魚一定要慎重，因為金魚缸嘅擺放非常有講究，唔係咩方位都可以擺（魚缸擺放詳情請留意裝修佬網站）。屋企如果養魚，可能會死一兩條，如果全部死曬，代表破財或病，建議最好就唔好再養。 

10. 花草落葉發黃 

如果屋企嘅花草落葉發黃、大部分枯落，會影響屋企運勢，代表有官司、口舌是非。

(以上圖片均來自網路，如有任何版權問題，請與本站聯絡)