【網民鬧爆】超慘婆婆搭九巴搭到要截肢

老人家年紀大，骨頭脆！即使看似輕微嘅碰撞同跌傷對老人家嚟講都係不容小覷，各國慈善機構都開始著重「防跌」工作，幫老人家係屋企安裝扶手、防滑地氈等！因為老人家好可能會因為跌倒而失去保貴性命。

近日就發生咗一宗慘劇，一位85歲嘅鄧婆婆，因為落車時被車門夾到件衫，鄧婆婆即使大叫「夾住我喎！」然後嘗試推開車門，但婆婆一推開，車門就即閂將佢彈開，而巴士就馬上離開，婆婆亦被拋開至坑渠口跌傷！

圖片：馬路的事討論區

婆婆當時未有察覺傷勢嚴重，一瞼平和同好心人交談，但就係呢一跌，令婆婆腳部斷開，最終要截肢保命！

就事件九巴職員已與婆婆兒子聯絡，但詳細情況需待星期一員工上班才可作出調查，引起網民不滿九巴嘅處理態度以及涉事司機嘅不顧而去！

如婆婆所言屬實，司機就應該要負上部分責任！不過依家並冇任何片段或其他證據支持，一切仍要等星期一九巴開始調查事件來龍去脈先至可以定奪。

圖片截自馬鞍山之友