胡琳、馬嘉均上有線請銳哥食湯丸

日前歌手胡琳（Bianca）、馬嘉均（馬仔）聯同唱片公司高層朱明銳（銳哥）接受有線主播黃芳雯、鄧曉霖邀請，拍攝娛樂新聞賀年節目，四人分成兩組泡製湯丸給銳哥品嚐。

胡琳坦言自己廚藝了得，相信銳哥都會滿意自己的手勢：「我煮野食唔差架，平時都有煮開飯，頭先仲問大廚點整湯丸好食啲，相信銳哥欣賞我嘅廚藝之餘，都好滿意我過去一年嘅成績！新一年個期表都排到滿晒，依家忙緊新歌《願望樹》宣傳，之後就要排《風雲音樂劇》，同時間又出英文碟，跟住就演出喇！唯一係過年個幾日可以抖下咋！」，胡琳亦透露下半年將忙籌備個人演唱會及新歌宣傳，笑言新年願望就是做到「冇時停」，一切按計劃進行。

同場的馬嘉均整湯丸時烏龍百出，馬仔自嘲是地獄廚神：「一睇就知我唔係暖男個D人啦！平時真係好少煮野食，有時間都走左去夾Band，希望銳哥唔好食到肚痛！今年我會去內地直播平台個度做節目，主要都係唱歌分享音樂，仲計劃碌盡人情卡，叫多D朋友同我Jam歌！」。

馬仔希望將香港Band仔音樂帶到內地市場，令更多人留意香港歌手：「其實香港仲有好多好音樂，廣東歌都仲有好多人想聽，我地作為後輩歌手就更加要出力去推廣呢D本土音樂，比其他樂迷認識廣東歌啦！」

播出日期： 2017年1月28日
播出時間： 晚上7點
播出頻道： 有線高清娛樂台 212頻道 / 12頻道