小心踩地雷！買樓前必知的9大風水禁忌

（ 文：巨龍）

現時上車買樓，對於好多年輕人來講實屬難事，唔想將自己嘅辛苦血汗錢買到風水唔理想嘅屋企就應該事先做足準備功夫。風水佬就話呃你十年八年，裝修佬誠心服務香港市民，無論係家居裝修設計，就連買樓都要兼顧得宜，究竟買樓要注意D咩呢？裝修佬話你知。

1. 房屋不宜面對樓罅

係建築上，如果兩座高樓相臨，中間又有窄窄嘅樓罅，而樓罅後又無建築相擋，就形成咗天斬煞，如果房屋面對天斬煞，易運勢不暢，有損健康。 　　

2. 住房面積不宜過大 　　

房屋最大作用係藏風聚氣，如果屋企面積過大，而人口又少，就會顯得空曠，達唔到聚氣效果，營造唔到良好嘅風水效果。 　　

3. 不宜同醫院為鄰 　　

從風水角度來講，醫院係陰氣場所，如果人久居附近，好容易受到負面能量嘅影響，所以不宜與其為鄰。 　　

4. 景不宜有假山 　　

設置水景時都會借助假山，營造出山高水長飄逸之景，如果係自有圓形土山係無妨，但如果係堆砌嘅假山、岩山等，皆為煞氣，雖然可以裝飾環境，但風水上卻係損丁破財，不利健康。 

5. 門窗不宜相對 　　

開窗開門，可以達到過堂風降溫清涼效果，好嘅風水格局可以藏風聚氣，一旦門窗相對，空氣過而不留，不利於氣場穩定。 　　

6. 入門先見廚廁 　　

現時嘅建築設計，有時為咗考慮利用更大嘅空間，一進門往往會先見到廚房、飯廳或廁所，呢個係住宅大忌，亦不合常理，居住其中，家運必衰。 　　

7. 橫樑壓頂 　　

橫樑最忌壓係床頭、書枱及飯枱上方，如實在無法避免，可以設計天花板擋住，否則就會影響居住者情緒同健康，事業運亦會受阻。 　 

8. 大門直通到底 　　

屋企忌好似酒店一樣，長廊連著一排幾間房，否則易發生外遇及私奔現象，難得平安。 　 

9. 陽光要充足 　　

住宅風水最講究陽光空氣，所以選擇房屋居住，非但要空氣清爽，而且仲要陽光充足，若是陽光不足嘅房屋，往往陰氣過重，會導致家宅不寧，實在不宜居住。

(以上圖片均來自網路，如有任何版權問題，請與本站聯絡)