《骨妹》團隊現身澳門國際影展 梁詠琪保持專業拒絕囡囡探班

由天下一電影製作有限公司、品今天下影視有限公司及澳門特別行政區政府文化局（2013電影長片製作支援計劃）出品，天下一電影發行，澳門新生代導演徐欣羨執導，歐健兒編劇並由梁詠琪（Gigi）、朱鑑然、廖子妤（Fish）、余香凝（Jennifer）等主演的電影《骨妹》入圍了第一屆澳門國際影展的競賽單元，電影今天在澳門舉行記者會並於今晚假澳門旅遊塔舉行首映禮。導演攜同Gigi、Fish、Jennifer、朱鑑然、陳蕾及劉漪琳等一眾演員現身，備受矚目，逼爆記者會場地。

Gigi在記者會期間被問到《骨妹》是其產後復出的首部作品，她演起上來有否特別感覺？Gigi謂：「我可以更深刻理解到愛，雖然戲入面係講姐妹之間嘅愛，但對我嚟講都係同一樣東西，就係無條件嘅付出。」Gigi又被問到記者問到怎看澳門這十年間的轉變，她坦言：「電影係講導演對十多年前澳門嘅懷緬，其實同樣地香港喺呢十幾年間變化都幾大，我作為土生土長香港人都會感到導演嘅唏噓。」

至於Fish談及戲中難忘場面時，飾演骨妹的她坦言是在戲中為男顧客進行「特別服務」一場，她笑言：「劇組搵嚟男性器官道具幾真，而戲入面又講Jennifer幫我解圍，所以一次過為兩為客人服務，搞到好似滑雪咁。」連在Fish身邊的Gigi禁不住笑言：「妳講到好有畫面。」

朱鑑然則談到如何準備角色：「戲入面我喺骨場認識Fish，我冇呢方面經驗，都要問下啲前輩！」其後Gigi接受媒體訪問，她表示拍攝期間非常掛念囡囡：「不過都唔會帶佢去片場，做演員要專業。」而Jennifer也坦言曾以男友陳家樂作為按摩練習對像並獲讚手勢好。