包包面消失！林欣彤出席Vogue Eyewear活動 示範即時變瘦

歌手林欣彤今日獲邀出席大型眼鏡連鎖店IMAGE OPTICAL (潮流天地) 於九龍灣德福廣場舉行的活動，宣佈將會全線引入意大利時尚眼鏡品牌 Vogue Eyewear。

除林欣彤外，一眾年輕歌手藝人如黃思迦、伍倩彤、曹敏寶、張子丰、歌莉雅、陳綺雯均到場支持 IMAGE OPTICAL，場面非常熱鬧。

歌而優則演的林欣彤自加入王祖藍工作室後機會不斷，上月更初嘗拍電視劇滋味，目前仍為明年推出的電視劇《老表3》日以繼夜進行拍攝，林欣彤慶幸劇中有多位資深演員如蔡少芬、蔣志光及老闆王祖藍等參與演出，讓她能從中偷師，並經常在家對鏡練習，希望處女作不會令大家失望。

品牌認為林欣彤形象非常切合其專為年輕女性而設的眼鏡，Mag當知道自己獲邀出席時都受寵若驚，並笑言：「我今日試完啲眼鏡之後，發現雖然我塊面圓圓，但其實都carry到好多不同類型嘅眼鏡啊！所以其他同我一樣嘅女仔唔使擔心，包包面都有好多選擇架！」

對於戴眼鏡的習慣，林欣彤則說：「其實太陽眼鏡除咗戶外活動嘅時候會戴之外，通常我未化妝或者綵排果陣都會戴，你知我隻眼幾大架啦哈哈！而平光鏡呢我自己就有好多副唔同款同唔同顏色嘅，雖然我本身無近視，但有時都想轉下感覺或者當fashion accessory襯下衫咁，好似近年流行韓風咁呀，Vogue eyewear今季嘅金屬框眼鏡就可以帶出呢個韓風style啦，仲可以扮下偽文青添！而呢幾年大熱嘅oversize太陽眼鏡呢就岩哂我呢啲包包面嘅女仔啦，你睇下！戴左之後塊面睇落去會即刻瘦哂架！」