女士想改善自己嘅記憶力？或者以下呢個研究就可以幫到你，提升自己嘅記憶力。事關根據加拿大麥基爾大學嘅一項研究，原來啪啪啪係有助改善記憶力架！
最近喺新一期嘅《性行為研究》期刊當中，負責研究嘅加拿大麥基爾大學就發表左一項研究，並且曾經邀請左78名30歲以下嘅女性接受相關研究。根據論文描述，研究最主要就係要觀察女性啪啪啪時，控制情感、記憶及神經系統嘅海馬體會唔會有著明顯變化，睇下兩者之間有冇特別關連。
結果發現原來相比起性生活較少嘅女士，經常啪啪啪嘅記憶力就會較為強，能夠記起更多嘅抽象詞彙。因此對於研究成果，研究演員都表示啪啪啪除左能夠獲歸納為一項運動，能夠舒緩情緒、減壓之外，其實更有機會能夠增強記憶力。
因此根據呢個發現，研究就將會持續進行，而且研究人員更加披露女性高潮及記憶力嘅聯繫，亦都將會係未來研究嘅其中一個方向。
