除左丁丁大小之外，持久力其實都係男性性能力其中之一嘅一項指標，能夠展示出嗰位男士實戰時嘅雄風。最近對於持久力呢項男士特別關注嘅指標，美國就有研究發現原來男士射精時間係平均為6分鐘。咁持久力方面呢？或者你就要睇下呢位美國泌尿科專家嘅最新研究喇...

▼ 研究指出男士射精時間係平均為6分鐘。

根據《紐約每日新聞》報導，美國泌尿科專家薩瑪迪（David Samadi）醫生早前就進行左相關調查，主力研究男士喺進入女性體內之後，射精時間究竟係幾多分鐘。經過一連串深入調查之後，薩瑪迪就發現男性嘅射精時間大約為4至11分鐘，即平均就係6分鐘。
至於男性最關心嘅持久力時間，薩瑪迪則透露喺接受調查嘅男士當中，最短嘅就只有6秒咁短，而最長就有53分鐘，所以總結嚟講能夠超過21分鐘嘅話就已經係非常理想。

對於被問到要提升持久力有乜野心得，薩瑪迪就建議想提升持久力嘅男士得閒應該做下凱格爾運動訓練會陰肌肉，能夠以天然治療早洩，同時延長射精時間。此外，薩瑪迪亦都叫男士喺性事當中，亦都唔好因為想延長持久力而比自己太大壓力，應該更為專注於享受過程，珍惜同伴侶親近嘅機會。

更甚嘅係薩瑪迪都強調男士只要有健康嘅身體，血液流動都自然會正常，而持久力都自然會長一啲。