20代係最令人難忘嘅時期，除左因為自由自在暫時無乜負擔之外，20代女生嘅身體肌膚都正在處於最佳狀態，屬於真正嘅青春無價！雖然20代真係女性最光輝嘅年紀，但如果你唔識得儘早保養同計畫日後人生，到時你就必定會後悔莫及！
1. 勉強無幸福
因為感覺寂寞而隨意同一個唔適合自己嘅人走埋一齊，其實反而會令自己失去目標，而且唔會獲得令人滿意嘅結果。正所謂「勉強無幸福」，相比起同一個唔會有好結果嘅人喺埋一齊，單身其實會係更理想嘅選擇，能令你自由自在，繼續尋找真正適合自己嘅另一半。
2. 注意健康狀況
20幾歲身體正處於最佳狀態，有啲人就會唔識得鍚身盡情去玩同食，完全忽視養生保養。當你不自控地進食過多無益食物，體內就自然會積累唔少毒素，令你身體一日比一日差。除左要注意每日所攝取嘅食物之外，定期去檢查牙齒、注意防曬以及戒除吸煙等惡習都係對健康有益。
3. 學識儲蓄
雖然生活喺香港呢個物價高昂嘅城市，一個月儲起一舊錢都真係唔容易，但只要你每個月都儘量儲少少，咁就可以聚沙成塔，令自己有番最基本嘅積蓄，等自己有番一筆應急用嘅錢。
4. 環遊世界
20幾歲大部分人都未有重大家庭及工作負擔，而且精力充沛所以就最適合遠行睇清成個世界。如果無喺年紀輕嘅時候盡情享受世界，到時老左就一定因為能力及環境所限後悔莫及！
5. 發展專業技能為先
（圖片來源：teen）
雖然20代應該要及時行樂，好好享受呢段最自由嘅時期，但同一時間你都要計劃定未來，為自己嘅事業好好定位。花時間學一項新嘅專業技能除左能夠為裝備自己之外，更可以為自己增添一樣新興趣。
封面圖片：favim
