好多男士應該都會想問，男士嘅理想丁丁尺寸究竟有冇一個特定數字能夠代表，而當大家都問左同一個問題好多年之後，近日新墨西哥及加州大學嘅研究人員就發現左一個無論男女都好想知道嘅呢組神秘數字！咁究竟男士丁丁最理想嘅尺寸係長定係短呢！？
喺邀請左75位，年齡介乎18至65歲，並且有性經驗及近期有發生性行為嘅女士之後，研究人員就將33個立體丁丁模型展示比接受研究者評分。對於眼前尺寸由4.0吋至到8.5吋長，以及2.5吋至7.0吋圓周嘅丁丁模型，女士會係點樣選擇呢？
▼ 女性對於丁丁尺寸要求，原來長久關係同一夜情係有少少分別。
（圖片來源：imgur）
原來對於丁丁嘅理想尺寸，女士都認為長久嘅一段感情關係，以及一夜情係有顯著分別，兩者要求都有所不同。對於持久嘅一段關係，佢地就認為最理想長度為6.3吋，而圓周則為4.8吋。
相反對於一夜情丁丁嘅定義，接受調查嘅女性就覺得長少少6.4吋就最為理想，而且亦都表示鐘意粗少少嘅5.0吋。
之所以會有咁嘅結果，研究人員總結呢個選擇反映出女性認為終生伴侶係需要較為體貼，無須太過有男人味。
而對於女性所要求嘅丁丁尺寸，研究人員都表示數字只不過係高過男士丁丁平均尺寸少少。所以男性又真係唔需要太過在意自己丁丁夠唔夠強勁，因為差唔多大家都可以滿足到女性慾望呢！
