一段感情有美好亦都有唔好嘅回憶，而喺相處嘅時候無論一對情侶幾合拍都好，佢地其實都亦有機會出現紛爭。而如果二人之間嘅紛爭開始擴大， 去到大家一見面就有機會會面阻阻嘅話，或者大家喺呢個時候就需要考慮清楚之後嘅路應該點行落去。

1. 再無性生活

喺各種跡象裡面，情侶再無性生活其實就係最大變心嘅徵兆，意味左你地已經再無親密關係，就好似平常嘅普通朋友一樣。如果持續落去都無改善，你地或者已經此情不再。

2. 開始收埋屬於自己嘅秘密

坦誠相對係唔少關係嘅第一相處規條，但如果你開始有屬於自己嘅秘密需要守，而且更加係必定唔會分享比另一半聽嘅話，或者你已經對佢失去信任。

3. 對另一半嘅感覺變左

從前你係鐘意佢可愛嘅酒渦，但宜家見到之後覺得非常礙眼，好唔自然。然後聽到佢嘅笑聲，你又覺得非常煩厭，每次都好想叫佢收聲唔好再笑。呢種種嘅跡象其實都代表左你開始變心。

4. 無Contact

一開始同另一半喺埋一齊，大家或者會朝見口晚見面，頭幾個月都會形影不離。就算大家無機會喺現實中見面，你地都會千方百計去以whatsapp等社交軟件聯絡。但如果有一日另一半開始疏遠你，甚至係無視你，或者你就應該開始睇下兩個係唔係需要分開。

5. 言談間無諗過將來

另一半同你喺言談之間，都無主動提過兩個人將來要點過，大部分時間都只著重目前享樂。而且如果你主動提起，佢更會忽然動怒，迴避所有關於二人未來嘅話題。面對一個對未來全無預想嘅人，你覺得自己能夠將自己下半世交托比佢咩？

6. 好少事就嗌交

為左好少嘅事，無端端都會嗌起交，而且仲要真係鬧到面紅耳赤個種，認真唔妥對方。如果咁少嘅事你地都解決唔到，日後遇上大難題咁你地仲可以點處理？

7. 嗌交係人身攻擊

無錯情侶間經常都會發生爭執，但如果你地嘅爭執從原來嘅無關痛癢，好快就可以解決到，演變成為兩個人人身攻擊，各不退讓，遲下兩個人嘅摩擦或者會越演越烈。

8. 喺公眾場合嗌交

喺公眾場合嗌交，仲要係大聲到所有人都聽到，咁即係你呢段關係已經開始失控，兩者都已經唔信任或者尊重對方。

9.. 希望有更多獨處時間

之前一覺瞓醒，你就已經會好想對住佢，收工亦都會好想即刻見到佢。但因為雙方感情已經開始變淡，你宜家最想有嘅反而會係自己私人時間，或者同朋友一齊都唔想同佢獨處。假如你開始諗番起以前嘅關係，或者幻想自己有新男朋友，或者你地嘅關係已經停止向前發展，需要另一出路。

10. 無努力經營關係

從前或者你地經常都會去玩，每個星期都會諗唔同嘅活動，一齊去放鬆一下，但宜家佢就連叫佢搵套戲嚟睇都懶。兩個人你眼望我眼，而且又有著令人唔舒服嘅沈默氣氛，或者你段關係已經出現左問題喇...

封面圖片：favim