一段關係需要二人互相經營，只要其中一方放棄的話，感情或者就會觸礁，導致二人分開。咁究竟對於一個聰明嘅女生嚟講，有啲乜野係必定會從失敗啲嘅感情中學得到，能令佢地奮勇振作起嚟嘅呢？
1. 學識何時抽身
當遇上一段唔會開花結果嘅感情，學識放手其實係非常重要，能令你將自己寶貴嘅時間投放喺更值得嘅人身上，同時令你嘅傷口儘快癒合，重新出發。
2. 學識點樣先係有建設性嘅爭執
喺一段失敗嘅感情裡面，你或者會為小事經常同前度爭執，嬲起上嚟更加會人身攻擊惡言相向，令大家最終悲劇收場。但從失敗嘅感情裡面，你就會學識左爭執其實都有良性，只要係對事不對人，而且識得同時站喺對方立場看清事情，就能夠建構出更為穩定嘅感情。
3. 學識自己好多野都仲要學習
回想起過往失敗嘅戀情，大家應該都會明白自己仲有好多關於感情嘅野需要學習，而且每一段關係都同前一次有啲唔同，經驗係慢慢累積落嚟。所以就算感情連番失敗，但你其實每次都係學習緊點同對方相處先最適合自己。
4. 學識喺一段關係裡面有乜係唔做得
對方對你唔好，你就能夠從佢身上學識一段感情有啲乜野嘅警號，有啲乜野換作自己都唔應該做。從錯誤示範中學習，就能夠避免自己另一半都受到你曾經受過嘅痛楚。
5. 學識乜野時候聽朋友建議
正所謂旁觀者清，有時候身邊朋友對於你嘅感情狀況，佢地可能會睇得更為清楚。所以當你聽到朋友對你嘅感情有少少建議嘅時候，或者你都應該停一停，諗一諗究竟朋友嘅建議係唔係自己留意唔到。
6. 學識何謂值得投資嘅感情
從失敗嘅感情裡走出嚟，你就會更加清楚明白自己適合一個點樣嘅對象，點樣嘅感情先應該會開花結果。結束一段唔適合嘅感情之後，你就會從束縛中解放出嚟，重新尋找更適合自己嘅另一半。
7. 學識何謂一段健康嘅關係
失敗嘅關係其實就好似人生嘅一塊puzzle，能夠相反令你明白乜野值得自己爭取及珍惜。雖然失敗嘅關係回憶起上嚟並不美好，但退後一步睇清楚自己嘅全部之後，你就更能發現自己缺少左啲乜野，學識點樣建設一段健康嘅關係。
封面圖片：favim
圖片來源：Tumblr
