就算一對戀人有幾合拍,關係有幾好都好,出現紛爭其實都會係在所難免,而且仲係必定會發生嘅。但喺出現紛爭之後雙方點樣應對,呢一個就將會係關係中嘅另一個戰場,能夠決定你地嘅關係會否因異見而中斷。

為左了解喺紛爭中有冇啲咩特別嘅元素將會象徵關係好大機會受到影響,美國就有心理學家進行了一項長達14年嘅研究。結果顯示如果關係中其中一方曾經有過某一個想法,原來就已經代表左呢段關係就必定會悲劇收場。咁究竟諗錯啲乜,兩個人就注定無法再喺埋一齊呢?

從2002年開始,美國華盛頓大學嘅心理學家John Gottman就帶領住研究團隊,花左14年嘅時間追蹤79對美國情侶。結果發現原來喺出現紛爭嘅時候,假如其中一方有曾經諗過「究竟佢可以有幾蠢先咁都唔明」嘅情侶,佢地之間嘅感情都注定唔會開花結果,終會分手收場。

▼假如其中一方有曾經諗過「究竟佢可以有幾蠢先咁都唔明」,就代表二人關係並不對等,很大機會會因此分手。

之所以會有咁嘅結果,全因呢個諗法就代表左你其實有少許鄙視,或者睇低另一半嘅想法,同時包含左對對方憤怒及厭惡嘅情感。亦因為你覺得對方比唔上自己,所以曾經有過咁嘅諗法嘅情侶就會有成93%嘅機會同對方分開或者離婚。

由於擁有咁嘅想法會令人自覺高人一等,唔會再對另一半產生任何同理心,所以再出現紛爭嘅時候,有著呢個想法嘅一方就會覺得對方意見全不屬實,而且不再重視對方建議,繼而引發雙方分手收場。

所以假如你曾經有過咁嘅想法,或者你真係要停一停,諗一諗,了解一下自己係唔係太過衝動,避免再次有著咁負面嘅想法。