師奶救星 眾籌燙衫板超搶手

好日都唔著一次裇衫西褲，著上身先驚覺仲未燙好，臨急抱佛腳起碼要十分鐘先搞掂，實遲到啦！

冇有怕，Kickstarter早幾日有個燙衫板Flippr (眾籌價US$99起，約HK$768)，設計者聲稱可節省8成時間，大約2分鐘即可完成，誇張到只用1日已達到眾籌目標金額(US$20,00，約HK$15.5萬)。

▼360度轉動板面。

呢款燙衫板之所以慳到時間，唔係有電子功能幫手，而係重新設計多項細節，包括雙板面設計，托起塊板就轉去背面，毋需拔出及再次套入裇衫或褲管；板嘅其中一端加入衫夾，夾實及拉直件衫；板內收藏咗另一塊細板，用嚟墊喺衫袖內，燙平衫袖時又唔怕底下嘅衫燙出摺痕。

▼備有衫夾夾實件衫。

▼底部兩隻腳裝咗細轆，方便移動。

(圖片來源：flippr)