去旅行如果係搭長途機，如果大家係無任何睡眠問題，可以一上機食完飛機餐就瞓得著，當然就係錦上添花非常幸福。但講真搭長途機對於唔少人嚟講，要有覺好瞓卻唔係能夠輕易達到，Land左之後仲會因為瞓唔到，而搞到精神彷彿咁需要時間回復先玩得。
其實要喺搭長途機嘅時候有覺好瞓，係唔係真係咁難？或者你下次可以試下呢7個Tips，咁就包保你唔再怕搭長途機時無覺好瞓！
1. 唔好上機第一時間就瞓
（圖片來源：yeahthatskosher）
唔少人喺飛機起飛之後，都會因為受到氣壓影響而容易瞓著一啲，但由於起飛後無耐，空中服務員就會開始送餐，情況亦會轉為嘈雜少少，所以上機第一時間就瞓就有可能受此影響瞓唔番著，全程眼光光。
2. 選擇窗口位
（圖片來源：Pinterest）
雖然去廁所可能無咁容易，但窗口位除左可能令你無咁容易受到其他搭客滋擾之外，其實更加可以等你個頭靠喺窗口上面，會舒服少少。
3. 帶備頸箍
（圖片來源：independenttraveler）
頸箍無錯係有啲浪費行李位置，但用黎靠住瞓覺真係同無係有著天淵之別，可以令你條頸無咁累，有啲野支撐住嚟瞓。
4. 戴耳塞
（圖片來源：theloop）
如果你係好容易比人嘈醒嘅話，最好當然戴埋耳塞先瞓，咁就唔會因為周圍好多雜聲而瞓極都瞓唔著。你都唔係唔知搭飛機幾容易會有小朋友喊架啦！戴番個隔音耳塞就無後顧之憂啦！
5. 戴眼罩
（圖片來源：traveller）
漆黑環境對於腦部嚟講係一個睡眠嘅訊號，因此喺搭長途機嘅時候戴上眼罩，就能夠模仿晚上環境，讓腦袋釋放褪黑素有助入睡。
6. 除鞋
（圖片來源：yimg）
喺屋企你都唔會著住鞋嚟瞓喇？何況係喺飛機？所以如果要喺飛機上面舒適熟睡，最好就係模仿番自己喺屋企時嘅情境，除鞋先瞓啦！
7. 預定同自己睡眠時間吻合嘅航班
（圖片來源：Tumblr）
乘搭長途機如果揀選夜晚航班，其實真係一個唔錯嘅選擇，能夠增加你瞓著嘅機會，令你身體生理時鐘容易適應。
封面圖片：uvaphysicianresource
