尋日就曾經同大家介紹過,有錢嘅男人會較為偏好細胸女士,但原來除左呢個癖好之外,研究更加發現經常會啪啪啪嘅男士係賺得比較多!但究竟點解呢...?

根據劍橋大學Anglia Ruskin嘅研究,佢地發現一個星期平均發生性行為2至4次以上嘅人,原來會比達唔到呢個數量嘅人賺多4.5%。至於為何會有咁嘅結果,研究員Nick Drydakis就解釋其實係同一個人嘅工作效率有關。根據馬斯洛需求層次理論,一個人如果佢地生活係較為愉快,佢地喺工作方面就會較為成功及工作效率都會較高,亦因為呢個原因,佢地嘅薪金亦都自然高啲。

研究首席研究員Nick Drydakis補充,性其實並唔係一種慾望咁簡單,而係人類不可或缺嘅一種需要,失去左就會令人情緒低落,影響埋個人嘅工作層面。因此無論如何,人都需要被愛同懂得去愛,不論涉唔涉及性都好。

▼研究顯示男人愈啪啪啪得多,事業就愈成功,而且更會賺得比較多錢。

除咗發現一個人嘅薪金係同性事頻率有所關連之外,研究同時都反映出性生活對健康係有所連繫,係其中一樣能夠直接影響你工作表現及能力嘅條件。

所以性事多嘅朋友,有機會真係事業成功過你,健康又健康過你架!