直男究竟普遍鐘意大胸定細胸？根據最近一項研究，男人鐘意大胸定抑或細胸，原來係同佢搵到幾多係有直接關係！係真唔係呀？唔好吹水喎！
為左睇下唔同男士對於胸部大小嘅偏好，心理學家Viren Swami及Martin Tovée就曾經喺馬來西亞，邀請左266名男士接受調查，並要求佢地以逼真嘅3D女體模型，為模型嘅胸部評分。
研究結果顯示喺接受調查嘅男性當中，比較貧窮嘅就會認為胸大嘅女性較有吸引力，相反比較有錢嘅，就覺得胸部較小嘅較有吸引力，明顯兩者有著相當不同嘅癖好。
▼相比起有錢人，原來窮人係會較鐘意大胸女人。
及後，同一項研究就進行咗第二項測試，希望能夠睇下現今男人會唔會因為本能上認定胸部較大嘅女性較適合繁殖後代，而覺得胸大女性較為吸引。結果喺邀請左66位感到飢餓，以及55位食飽飽嘅大學生接受調查之後，佢地就發現原來一個人嘅食慾係會影響佢地所作出嘅選擇。相比起已經食飽咗嘅同學，超級飢餓嘅明顯認為大胸女人較為吸引。因此研究就總結出，原來一個人嘅生活資源夠唔夠，其實係影響佢地對於胸部大小嘅取向嘅。
