用咗止汗劑好似好姿整，感覺上會令自己唔夠man？原來咁樣諗只不過係你自己多疑，因為最近就有研究指出，女性其實覺得噴咗咗止汗劑嘅男人係更有「男人味」。相比起唔噴搞到自己一身汗臭味，有噴止汗劑當然就唔會咁趕客，女神見到你都唔會調頭走啦！
根據斯特林大學所進行嘅研究，被認定為唔夠Man嘅男人喺噴上止汗劑之後，女士原來就會覺得佢地Man過之前未噴嗰陣，證明止汗劑除左能夠去除汗臭之外，更能夠提升男士魅力。
▼原來止汗劑真係可以好似廣告咁，提升男人味。
喺呢項研究當中，研究人員就曾經首先邀請130名男女，要求佢地首先以相片，為相中人有冇「女人味」或者「男人味」評分。然後喺評分過後，研究人員就再次邀請239名男女向研究對象嘅體味評分，每名參與研究嘅男女都分別需要為40名異性評分。
結果發現喺兩性當中，女性對於氣味嘅敏感度其實係相對較高。更甚嘅係相比無塗上止汗劑嘅男仔，女性發現有噴止汗劑嘅男人係更有男人味，尤其係本身被認定為外貌唔夠Man效果更為顯著。
對於有著咁嘅發現，負責研究嘅斯特林大學嘅心理研究員Caroline Allen則認為結果反映出止汗劑廣告所傳遞嘅訊息，即係指出止汗劑能夠提升男人味其實都並唔係單純虛構，果然真係能夠提升男士男人味。
此外，研究亦都指出其實普遍人士都唔係太喜歡極有男人味嘅男士，因為太過Man嘅男人經常都會被聯想為較為衝動及激進，但相反對於女人味，大家則無咁反感。
