出軌先至係對另一半不忠？其實當你感情上開始重視第二個人而唔係你自己身邊嘅另一半，其實都已經讓你響起移情別戀嘅警號，代表你有機會因此繼而出軌。而且相比起肉體上出賣自己情人，將自己嘅感情轉為投放喺第二個人身上其實會令你地嘅關係傷得更痛。
如果你突然對身邊嘅人出現以下9種反應，或者你真係要立即退一步諗諗，冷靜封鎖對方一段時間好好思考自己日後要點樣投放自己感情。
1. 為「佢」設定特定鈴聲
佢好鐘意Talyor Swift就Set佢個鈴聲做Talyor Swift嘅歌，等自己一聽就諗起佢。佢嘅地位似乎同其他人有啲唔同囉...
2. 同「佢」有好多其他人唔明嘅秘密
相比同其他普通朋友，你同佢之間硬係有啲得你兩個先識笑嘅笑話，或者得你兩個先會明嘅暗語，總之其他人就唔會Get到架啦！
3. 將「佢」同另一半比較
經常都會衝口而出同另一半講佢地有咩分別，將佢地兩個互相比較。睇嚟你已經唔記得左人比人比死人嘅道理，而且你都忘記左自己因咩喜歡自己另一半。
4. 講左「佢」個名
如果係同另一半親熱時講錯「佢」個名，真係立即可以講byebye。但如果平日講錯，可能都仲要走得甩，但你真係要小心啲搞清楚自己做乜咁都可以講錯另一半個名。
5. 突然多左樣興趣
無端端多左樣自己之前無嘅興趣，會唔會係從佢身上沾染番嚟嘅呢？
6. 覺得另一半同「佢」可以做朋友
雖然心裡面會覺得佢同另一半好夾，可以做朋友，但實際上有佢就無另一半，一定唔會同時約晒佢地出嚟，或者係因為你本能上覺得兩個只能任擇其一。
7. 對「佢」心儀對象感到不滿
突然有一日佢有左意中人，但你對於佢意中人嘅評價卻係非常負面，甚至覺得佢個心儀對象配唔上佢。原因仲駛講咩？咪就係因為心底裡你覺得自己先至係最完美，可以襯得上佢囉！
8. 認識唔深但稱「佢」做妹妹
明明識左人地只係幾年，就成日同人講你當佢係妹妹咁好鍚佢，難免會懷疑，覺得你咁講係煙幕。
9. 同「佢」去Shopping
特意同佢去Shopping但唔係同自己另一半，又會不斷問佢意見或者討好佢。係囉.. 你話點解會咁想哄佢開心呢？
（圖片來源：Tumblr）
