無左愛情滋潤好耐，個人Dry到爆？兄弟，或者應該注意下自己健康有冇因此產生變化，令你無論從情緒或係生理上都會有著不尋常嘅改變。
但究竟咁樣嘅反應係唔係代表你唔正常呢？其實出現咁嘅狀況，歸根究柢都係你身體作出嘅自然抵禦反應，所以必須要立即正視呢個問題呀！
1.有機會變成陽痿
（圖片來源：reactiongif）
再鋒利嘅刀都會有生鏽嘅一日，何況係丁呢？由於有著正常嘅性生活，人就會對自己嘅性功能更有自信，因此如果長久都無性生活，人就開始質疑自己嘅性功能會唔會比之前遜色，從而影響性事質素。
2. 增加情緒壓力
根據一項2006年嘅調查，性生活之所以能夠放鬆人嘅心情及釋放壓力，全因性交能夠改善血壓。此外，正常性生活亦會能夠令人遇上突發情況時冷靜判斷，無咁容易動怒。
3. 變得較為蠢鈍
馬里蘭州大學研究指出，相比起無性生活嘅老鼠，有性生活嘅老鼠係會較為聰明，並且精神上表現都會較好。另外，正常性生活亦都會有利神經元產生，有助提升長遠記憶力。
4. 膀胱功能變差
正常性生活能夠強化膀胱功能，鍛鍊骨盆肌肉。因此如果失去正常性生活，或者就有機會出現尿滲問題。
5. 痛楚忍耐能力減弱
性生活能夠釋放神經化學催產素，減輕人體痛楚，猶如身體自己產生嘅阿司匹靈一樣。如果你經常都會有背痛、經痛等，正常性生活及高潮感覺都能夠減低痛楚。
6. 免疫系統轉弱
（圖片來源：msecnd）
適當嘅性生活其實係能夠增強免疫系統，令你能夠預防患上疾病，保持身體健康。根據美國賓夕法尼亞州威爾克斯大學研究，有正常性生活嘅人體內所含有嘅抗體係較為高。
7. 失眠
同另一半親熱之後，大家應該都發現自己較容易入睡，而實際上由於性交過後，人體會釋放催乳素，因此大家就會感到較為放鬆及感到睡意，避免失眠同時改善睡眠質素。
圖片來源：Tumblr
