因為喜歡另一半，人就會情不自禁地跟對方擁吻，利用呢個簡單嘅動作傳遞愛嘅信息。但對於點解我地天生就識得接吻，以及接吻嘅一啲鮮為人知秘密，你地又知道幾多呢？！
1. 接吻本能來自老鼠
東京大學研究人員認為，人類之所以識得接吻係由遠古嘅時候從老鼠而來，並同時有著共同祖先。此外根據相關研究，研究人員發現接吻嘅動作其實就等同於老鼠用鼻子摸刷配偶一樣，接收對方嘅信息素以及發出訊號。
2. 接吻方法源自娘胎
唔知你地有冇曾經留意過喺鍚另一半嘅時候，大部分人都會不期然咁將頭側向右邊。之所以有咁多人都有同樣嘅習慣，原來根據德國研究喺100對情侶檔中，就會有3分2嘅人會有呢個習慣，而主要原因則係因為喺母親體內嘅時候，大家都自然將頭側向右邊。
3. 接吻需要運動146組肌肉
接吻嗰一刻相比跑步，好似睇落唔係點需要郁動身體，但其實喺實際情況上，簡單就要郁動臉上24組肌肉及112組姿勢肌肉咁多！
4. 最常接吻時間係超過58小時
根據健力士紀錄大全，世界上接吻最常時間紀錄保持者係來自泰國嘅一對情侶，並以58個鐘頭35分鐘58秒成為紀錄保持者。莫講話鍚鍚丫，就算叫你坐定定58小時拖住另一半嘅手唔方都好有難度啦！
5. 接吻可以救人一命
接吻可以救人一命？原來根據一項非常出名嘅研究，男士喺出門之前獲得另一半親吻臉頰，相比起無嘅係會活多5年架！所以大家出門之前，記得要向自己另一半討吻呀！
6. 平均每人一世嘅接吻時間係兩星期
專家表示平均每一個人一世裡面，係會花左20,160分鐘喺接吻上面，即係大約有兩星期左右。
7. 平均接16次吻就會決定到對方係唔係真名天女
要搵真名天女，原來男士大約接吻16次就可以分辨得到對方係唔係自己終身伴侶。至於女生，則只係平均15次就分辨得到。
8. 接吻有益健康
同另一半接吻，其實就好似「一日一蘋果」一樣咁健康。除左每接吻1分鐘就能夠燃燒2到3卡路里以外，接吻更加係可以有效增強免疫力、舒緩痛楚。所以接吻真係對健康有益架！
9. 意大利人係接吻高手
原來總括全球，意大利人接吻係最為熱情而且有技巧的，果然意大利人真係非常浪漫呀下！
