【裝修風水學】貔貅擺放風水 (巨龍)

現時好多家庭都會擺放一啲靈物來改善風水，靈物包含咗佛像、貔貅及其它蘊含非常好寓意嘅物品等等。

我地喺供奉嘅時候，供養方法其實非常重要，但係好多時候貔貅我地請咗返屋企但又唔知應該點擺，如果擺得唔好只會適得其反。

究竟貔貅嘅擺放有啲咩講究？裝修佬話你知。

咩係貔貅？

貔貅有廿六種造型，七七四十九個化身，其口大，腹大，無肛門，只食唔屙，象徵攬八方之財，只入唔出，專為主人聚財掌權。 　　

係中文上貔貅同辟邪有啲諧音，所以貔貅嘅作用除咗斂財之外，仲有一個辟邪作用，係風水學上來講放係屋企係有很大好處，而貔貅係傳說中本身係一種兇猛嘅神獸，所以用來鎮宅係非常唔錯。但係同好多風水物件一樣，要擺啱地方，先能夠真正發揮佢嘅作用，如果唔係就會適得其反。 　 

貔貅嘅擺放風水 　　

貔貅唔可以話買，一定要話請。 　　

貔貅係第一次擺嘅時候非常有講究，遵循天時地利人和，所以第一次擺要係朝早7點到9點，要頭向出面，擺要有小於15度嘅斜度可招偏財，唔能夠正放，一般放於門口，或者書枱左邊。 　　

擺時要注意，貔貅嘅頭要向門外或窗外，因為相傳貔貅食四方財。

係歷史上遺留落來嘅貔貅係比較細，所以好多人習慣會擺係手上玩，所以係玩嘅時候要首先摸下佢嘅頭，咁樣佢就會認定你係佢嘅主人，而且忠於你。其次係要按住耳仔代表降伏佢，然後係前爪、身體、後爪、屁股，然後從屁股虛空抓下放到自己個袋度，稱抓財，之後可以佩帶或擺放。 　　

放置貔貅嘅時候唔可以摸貔貅嘅頭、嘴、眼，因為你嘅俗氣會沾到貔貅上，影響貔貅。 　　

貔貅也有公母之分，民間傳說公的貔貅代表財運，而母的貔貅則代表財庫，有財要有庫才能守得住，因此收藏貔貅大多都一次收藏一對，才能夠真正的招財進寶。但如果要戴在身上，還是一隻就好，以免打架。 　　

貔貅多為玉石製成，因為玉石天生就有靈性，所以一定要開光，否則係瞎眼貔貅，只能夠當做裝飾品，無用。 　 

不要頭沖正門，從外面入來嘅門無所謂，但唔好衝廁所，因為正門係門神或財神執掌嘅地方，貔貅無權過問。 　　

不要衝鏡，因為鏡會產生光煞，貔貅忌諱。 　　

貔貅唔適合擺係睡房床頭面對自己，亦唔可以高於人頭，因為貔貅係一種兇猛嘅神獸。適合擺係客廳中，斜對住大門。 　　

貔貅嘅習性懶懶地鐘意瞓覺，每日最好將佢擰起身摸下，玩下，好似要叫醒佢咁，財運就會跟住來。

(以上圖片均來自網路，如有任何版權問題，請與本站聯絡)