【裝修風水學】客廳鞋櫃的擺放學問 (巨龍)

鞋櫃作為家居必備嘅傢俱之一，唔單止可以放鞋，仲可以令居室顯得更美觀。

鞋櫃喺家居當中所佔嘅位置唔大，但係風水上卻大有玄機。鞋櫃嘅擺放位置會影響財運、主人健康，不可忽視，風水無處不在，快啲跟裝修佬學下鞋櫃嘅擺放風水啦！

鞋櫃風水考慮 

鞋都有磁場，亦會影響風水。唔少女士擁有大堆唔同款式嘅鞋，而且鐘意將鞋放係睡房度，方便出門前揀鞋襯衫。但係風水學認為，出街著嘅鞋，沾染咗金、木、水、火、土五行嘅氣，通常比較雜亂，故只適宜放於經常出入嘅大門附近，唔適宜放係室內其他地方。 

忌對正大門 

鞋櫃位置不宜擺放係對正入門口位，應該盡可能將鞋櫃擺係入門嘅側邊，而左邊更為吉利。因為風水理論有左青龍，右白虎嘅講法，左邊青龍位置為吉位，以企係屋內臉朝門嘅方向。將鞋櫃放係大門右邊，即白虎位，鞋帶髒氣就會抵擋凶位嘅煞氣，帶來好運。 

選擇封閉式鞋櫃 

如果將鞋四圍亂擺，出面唔好嘅氣就會隨住鞋進入屋內，直接影響屋中人運程。所以，家居最好配置一個鞋櫃，將鞋全部放進櫃內，咁唔好嘅磁場就無法隨便釋放出來。而鞋櫃要選擇封閉式，咁樣可以容易避免雜亂氣場，而且唔可以超過牆面1/3。如果鞋櫃高過三分之一，就會影響主人健康。 

鞋櫃可兼作屏風 

對於大門面向走廊嘅家居，鞋櫃更可兼作屏風之用，阻擋由大門直沖而進嘅煞氣。至於未著過嘅新鞋，或供室內用嘅拖鞋，放係屋企任何位置都無問題。 

鞋櫃五層高為佳 

鞋櫃通常係多層式設計，以風水角度來說，鞋櫃以五層高為佳，因為代表五行並存。鞋櫃少於五層問題唔大，多於此層數則屬大忌，因為鞋屬土，應該腳踏實地，將鞋放得太高嘅話，就會影響穿著者。行路時容易扭傷、跌親。再者，鞋代表根基，根基打得穩，有助事業發展理想。另外，每層鞋櫃最好擺五對鞋，以達到五行平衡效果。 

鞋櫃方向 

鞋櫃擺放方向要注意，一家之主如果係從事文職，宜將鞋櫃放置於屋企東南方向。如果係工人等靠勞力謀生嘅，則宜放於西北面，有助事業更上幾一層樓。以上方位長年適用，勿須每年轉換。 

鞋櫃保持整潔 

鞋櫃嘅擱板唔應接觸到背板，以利於鞋底嘅污物統一排到最底層進行清除。由於鞋每日都會著出街，會有唔同嘅污漬細菌，所以係日常要多加清潔鞋櫃，注意衛生，以免污染室內空氣。 

鞋踭要向外 

鞋係鞋櫃中嘅擺放，應將鞋踭要向外，特別係尖頭鞋，鞋頭最好向櫃內放。否則，每次打開鞋櫃攞鞋嘅時候，鞋尖對住自己，形成火煞，久而久之，對健康有害無益。從衛生角度來講，鞋踭向外更利於釋放鞋嘅潮氣。 

忌亂放吉祥物 

屋企請咗貔貅、麒麟等開運化煞嘅吉祥物，切記唔可以為咗節省空間就放係鞋櫃上面，咁樣會對你嘅家居風水產生不良影響。

(以上圖片均來自網路，如有任何版權問題，請與本站聯絡)