張智霖、王宗堯、張建聲節目《我的HERO》 暢談父愛

張智霖 (Chilam)為ViuTV主持、以表揚父愛為主題的特備節目《我的HERO》，於昨晚播出第二集，今集由Chilam兩位同門師弟王宗堯 (Greg)和張建聲 (Justin)出任嘉賓，聯同主持駱振偉齊齊暢談父愛，同時更播出香港籃球傳奇父子兵──現役甲一籃球員吳嘉軒及其已退役、被譽為香港籃球史上最佳控球後衛之一的父親吳柱業之間的相處點滴。

吳嘉軒的故事是子承父業，吳柱業多年來為家庭無私奉獻，既要照顧家人又要練波又要比賽，甚至連煮飯買餸都做埋，所以吳嘉軒想到父親的畢生奮鬥亦忍不住落下男兒淚，而Chilam、Greg和Justin同樣為這位家庭英雄而動容，特別是現實中為人父的 Chilam，對父親在家庭的角色更加感受至深，對於子承父業這個課題，他就不太主張兒子「魔童」加入娛圈，「我個仔近排開咗instagram，發現好多followers，佢覺得自己好威同好有成就感，以前佢係想做太空人、賽車手，小朋友鍾意扮鬼扮馬，但演藝工作並唔係咁樣一回事，你玩還玩，但演藝工作係好多捱更抵夜，今日唔知聽日事，所以我唔係咁想佢子承父業。」

節目中，三位型男又有提及自己的成長經過，無獨有偶，他們都未試過被爹哋打，Chilam笑說：「我未試過體罰，我細個好乖架……喺中三前。到中三已經牛高馬大，又跑得快，人又江湖，哈哈。」Greg的父親性格開明，媽咪就較為嚴厲，他形容自己在小時候，媽咪打他的武器係「就地取材」，總令他防不勝防；至於Justin就極金，媽咪會請他食「孖條」，「係滕條，兩條，孖條用橡筋箍埋，所以我同哥哥喺屋企一見籐條就掟晒落街。」