網絡紅人男臣BB國慶日 拉埋曲赤和黃雅斯直播煙花宣傳新歌 人數爆燈

今次國慶日除咗有煙花睇，仲有網絡紅人男臣BB、曲赤和黃雅斯Szebi 街頭宣傳《離離合合》新歌，重要玩埋直播做宣傳，直播人數短短48分鐘，已經突破70000人觀看，呢個宣傳新歌手法好有意義更加有意思。

曲赤話最近男臣BB網絡好紅，差唔多每一日任何時候Facebook都會有好多人分享佢嘅直播，我就諗起如果可以用直播宣傳新歌都幾有意思，之後同埋Szebi 一齊到尖沙咀海旁睇煙花和宣傳新歌，借用男臣BB人氣令到當晚人數比我預期多，總共有70000人入嚟睇直播，我當堂嚇一跳。

男臣BB好細心照顧我哋，無條件付出幫助我哋宣傳新歌，我知道佢嘅人氣有好多人都關注佢，連大陸騰訊公司都搵人叫佢開直播，網上有好多人認為男臣BB騎呢嘅行為比較負面，但實質了解左之後先發現原來嚟緊新趨勢就係網上嘅世界，我覺得男臣BB比起好多香港人行得更快，走在前線嘅尖端，我認識左佢一段時間，佢真係一個好有愛，好大膽好有創意，很樂於助人的男人，係我人生裏面有呢個好知己朋友我真係好開心，佢係網絡世界嚟緊一定會好爆，我身邊嘅朋友包括我本人同Szebi 都覺得佢一定會成功，佢有一份嘅強大嘅堅持，長遠嘅目標，我係其他人身上絕對未見過有一股力量嘅人，佢真係好勁。

問到男臣BB，佢話作為一個團隊嘅領袖，必須要比其他人跑得更快.雖然網上有好多人認為我騎呢比較負面，但為咗攞到更多人嘅關住，必須要付出更多時間心血，冇擔心過網上嘅人點樣佢抨擊我，反而我只係擔心有冇人去認識到我哋《紅爆達人》團隊，要成為香港第一對網絡紅人，必須要比其他人更爆更出位。

《紅爆達人》Facebook專頁短短兩星期，人數升到7000人真係好犀利。佢嘅目標仲同我講要1,000,000人數讚好。估唔到男臣BB嘅目標嘅要求比一般人更大，睇嚟佢真係要網上世界更加努力。