因為假期唔多日數而且位於鄰近地區，泰國一直都係唔少人放假旅遊嘅首選地點。雖然大家去得旅行，好多時候都會因為人生路不熟而加倍留神，但好多時就係因為您放鬆左一下，賊人就會喺嗰一刻有機可乘，無聲無息偷走您嘅貴重財物。
▼ 例如如果睇到下面呢張相，大家覺得有冇特別令人懷疑嘅地方呢？
您可能會問：「唔係單純就係兩個當地景點嘅小妹妹同遊客影相咁簡單咋咩？」
如果你咁諗就絕對係大錯特錯！
兩日之前喺外國論壇Reddit上面，用戶MedardBoss就上傳左上面張相，話自己喺發現左唔見左一樣財物之後，睇番相先發現幾時唔見。
▼ 原來就喺女朋友同兩位小朋友合照嘅時候，照片右邊嗰位小妹妹就以純熟嘅手法將MedardBoss女朋友左手嘅手錶除左落嚟！
▼ 喺MedardBoss上傳圖片一段時間之後，好多精明嘅網友就一眼認出嗰度係清邁嘅素貼寺。此外更加有唔少網友都見到相中嘅小妹妹，表示明顯佢地係嗰度嘅慣犯。
所以大家喺出外旅行嘅時候，真係一定要無時無刻都打醒十二分精神，如果唔係就真係會比人偷左野都唔知道發生左乜野事架喇！
