【裝修風水學】家居窗簾用咩顏色好？ (巨龍)

窗簾係屋企必備物品之一，佢起到遮擋太陽光、灰塵、隔音、防蚊、調節室內光線、增加私隱度等作用。

通常我地揀窗簾係因應返屋企整體裝修設計風格，從而會忽略咗窗簾對家居嘅風水。

以下裝修佬同大家分享窗簾嘅注意事項。

窗簾顏色搭配上有一種吉方搭配顏色嘅講法，如西北方使用白色則促進貴人運，西南方搭配茶色或泥色系增加屋企穩定，西南方運用黃色增加桃花運。東面有利紅色，代表喜慶熱情，有利於事業學業。南面有利綠色，對人際關係有催化作用。西面利黃色，促進財氣。北面利橙色，有利於夫妻關係。 

窗簾色彩應符合主人命理五行。比如，如果主人命理喜火，則應選用紅色、紫色窗簾。命理喜木可選擇綠色、木色窗簾。命理喜土，則選擇黃色、泥黃色窗簾。命理喜金，選擇白色、金屬色窗簾。命理喜水，則適合藍色、黑色窗簾。 

選擇窗簾唔單止要注意顏色，圖案方面亦有講究。好多年輕人會選擇一啲新潮另類圖案，但係風水上可能會寓意唔吉利，如骷髏骨、造型奇特等，最好避開。窗簾過於厚亦唔好，會減少屋企人嘅團聚，華麗圖案會有罕見訪客現象，所以選用簡單樸素圖案最合適。 

色調偏暗嘅朝北客廳，則適合中性偏冷窗簾，情調優雅。如果採光較好嘅房間，則選用顏色較鮮色如栗紅色或是黃色窗簾，協調陰陽。 

粉色窗簾使用需謹慎。好多浪漫嘅朋友鐘意用粉色調窗簾來增加浪漫溫馨氣氛，其實粉色窗簾嘅使用要因人而異。粉色係風水中代表桃花，如果係幸福美滿嘅家庭或是二人世界，則應少用以免招來亂桃花，如果係單身朋友可以選擇粉色招來桃花運。

(以上圖片均來自網路，如有任何版權問題，請與本站聯絡)