散水餅就見得多，有次有個傻人黎見工，竟然買左兩大盒西餅黎，reception梗係唔敢收啦，話幫佢擺落雪櫃又唔制， 之後佢就拎住兩盒野入黎見工。
一入到interview room，個傻人又問我地食唔食西餅，嘩，真係好難頂，果陣係下午茶時間，個個都口痕，但又唔食得，只可以講:「唔駛客氣，我地都係進行返面試先。」。
睇佢cv同談吐，真係好想請佢，但請左佢俾人唱我地hr食人地西餅抽人地著數假公濟私咪大煲？！結果唔夠5分鐘踢左佢出門口。
事後in 過其他candidate 都覺得唔太理想，好想請返買西餅呢個傻佬，但又唔請得！
(我地係無食，但把口生喺人地度，佢買西餅上公司果個moment已經決定左唔請得……)
