裝修佬話你知：鋁窗知多少 (巨龍)

窗作為屋企必不可少嘅一部分，即可為屋企增加採光度、通風、方便觀看窗外風景等嘅好處。

鋁窗使用廣泛，採用隔熱鋁材加中空玻璃，具有節能、隔音、防噪音、防塵、防水等功能。

現時嘅鋁窗主要分為推拉窗、平開窗同上懸式窗3種。

以下裝修佬為大家分別講解呢3款鋁窗嘅好壞處。

推拉窗 

推拉窗嘅好處係簡潔、美觀、窗幅大、玻璃大、視野開闊、採光度高、抹玻璃方便、使用靈活、安全穩陣、使用壽命長、佔用空間少、安裝紗窗方便等。目前採用最多的就是推拉窗。缺點係兩扇窗唔能夠同時打開，最多打開一半，通風性相對差啲。密封性也稍差。

推拉窗分左右、上下推拉兩種。 推拉窗有唔佔據室內空間嘅好處，外觀靚、價格實惠、密封性好。採用高檔滑軌，輕輕一推，開啟靈活。配上大塊玻璃，既增加室內採光，又改善建築物嘅整體形貌。

窗扇嘅受力狀態好、唔易損壞，但通風面積受到限制。 

平開窗 

平開窗好處係開啟面積大，通風好，密封性好，隔音、保溫、抗滲性能優良。

內開式抹窗方便，外開式開啟又唔佔空間。缺點係窗幅細，視野唔夠開闊。外開窗開啟要佔用牆外嘅一塊空間，刮大風易受損。

而內開窗要佔用室內部分空間，使用紗窗唔方便，開窗時使用紗窗、窗簾等亦唔方便，如質量唔好，仲有可能會滲水。 

上懸式 

上懸窗係後來先出現嘅一種鋁合金、塑鋼窗。佢有兩種開啟方式，既可平開，又可向上推。

平開窗關閉時，向內拉窗嘅上面，可以打開一條10CM左右嘅空隙，窗可以由上面打開少少，打開嘅部分懸喺空中，通過鉸鏈同窗框連接固定，所以稱為上懸式。

好處係既可以通風，又可保證安全，因為有鉸鏈，窗戶只可以打開10CM嘅空隙，從外面手伸唔入來，特別適合屋企無人時使用，減少小朋友攀爬墮樓事故。呢個功能已唔單止局限於平開窗，推拉窗都可以上懸式開啟。

(以上圖片均來自網路，如有任何版權問題，請與本站聯絡)