馬來西亞fans為長腿彭于晏尖叫 青雲趁機爆古仔秘密

由陳木勝執導，洪金寶擔任動作導演，劉青雲、古天樂及彭于晏（Eddie）等主演的動作巨製《危城》將於明天（8月18日）在港上映，而兩位導演及一眾演員近日亦忙於到外地宣傳電影，昨日陳木勝導演便率領青雲及Eddie抵達馬來西亞宣傳，更要於兩日內連走多場宣傳活動，包括昨晚舉行的當地首映禮及今天舉行的電影記者會等，魄力驚人！

雖然三大男主角中古天樂未有同行馬來西亞，不過兩位拍檔卻未有忘記他兼且襯古仔不在現場時大講他壞話，場面搞笑。Eddie被電台主持人問到若青雲及古仔齊跌入水中時，他會選擇救誰？豈料青雲搶答，大爆古仔不諳水性，他謂：「梗係救古天樂啦，佢唔識游水㗎嘛！」青雲又笑指今次雖然在戲中拍攝很多打鬥場面，但其實不比拍攝其他電影的動作場面危險，他更乘機投訴：「拍時裝片有時仲危險㗎，Benny（陳木勝）拍完會炸爛佢。我拍爆炸戲時成日都安排我最遲走，以前仲要多數真爆，我就企係個炸彈隔離，成日會借啲意行前兩步，點知就俾人叫返後。」陳導聞言也笑指：「咁你係男主角嘛，所以最遲走。」以Eddie也大選青雲是影帝中的影帝。

至於談到Eddie與吳京在戲中的師兄弟情誼時，陳導指吳京為人爽朗，在拍攝期間經常會邀約飯局以增加整個主創團隊的感情，陳導說：「吳京好用心良苦，因為佢第一次同彭于晏合作仲要有嗰種兄弟情，所以好好培養。」Eddie也笑言拍攝期間曾與吳京「約會」，他謂：「我們有試過一連看兩部電影，其中有部更是愛情片。」

而昨晚眾人又出席當地首映禮，Eddie應要求即場耍舞戲中大刀，令一班粉絲歡喜若狂，在場不停為長腿eddie尖叫起。