要捉精靈,全港任何一個角落也可以,不過要飲住精靈捉精靈車,就只可以去旺角廣華街。

SY:「我想坐入去呀! (我: 老細拍架車係對面, 齋畀人影相咋...…雖然我都想揸返轉)」

記得半年前, 要山長水遠走去挪亞方舟,才可以自製Selfie朱古力...…上星期開始,旺角都可以分半鐘印自己上特飲啦半。(而且仲有6款口味任揀添)

本來我們只買一杯福岡士啤梨奶香$28。

不過,因為飲了一半,阿太才發現忘了按短片的鍵,所以再買一杯薄荷朱古力$28。

Brian:「無問題啦,我幫你哋加隻比卡超上去啦,靚好多架。」(係呀!係呀!加喺SY個頭度啦),SY:「好得意呀! 我真係唔捨得飲咗比卡超。」

泰國芒果王椰子汁($34)是Brian推介:「你試吓我哋皇牌,而我上面個泡係用椰奶,用分子方式,打入一氧化氮而成嘅,好滑。」

我:「真係好飲喎,椰奶泡泡好正,又有質感又夠輕,又夠綿,而且芒果肉又好香好甜...…簡直似食甜品一樣。」 

老實說,你想揀靚相,還是好味道呢?同樣都是泡泡,Selfie特飲面層的泡來得結實,因為要讓機器將相片打印上去。

如果把一吋厚的泡分開上,咁又可以儲存相片奶蓋,又可以直接飲到杯中特飲,效果一定更正...…

(食咗嗰舊泡之後,其實真係好鬼膩)

小店有6款小食...…

雖然店員推介我韓式炸辣味雞粒($22)。不過,個仁覺得部份漿份太多,部份又硬又難咬...…可以改進一下會好少少。

而自己則強烈推薦這裡的「去骨烤蘆荀雞中翼」、「去骨烤菠蘿雞中翼」 ($24)...…

懶仁一流,因為完全無骨。

SY:「爸爸! 又話有菠蘿嘅?」,Brian:「我哋一早有同事釀咗入雞翼裡面…...」

這正正就是精髓所在,一啖咬入口,可以滿足2個願望,雞翼配菠蘿,好食!

阿太:「我鍾意食蘆荀,而且又夾埋甘荀,菠蘿太甜。」

蘆荀太正氣, 我和阿囝都揀菠蘿...…

雖然雞肉都好有味, 不過SY說:「點解隻雞翼咁細隻嘅?」(係囉! 如果係正常Size會好得多)

FOAM
地址:旺角廣華街1號仁安大廈地下22號
營業時間:12nn-12:30am

大仁生活


 【比卡超分子料理】$28 旺角都嘆到Selfie特飲 @ Pokémon Drink

 https://www.facebook.com/hayakutang