想同另一半旅行嘅時候親熱，忍住番到酒店先搞啦！一般人無錯當然係會咁樣諗，但難免世界上總會有人嘗試去挑戰難度，喺啲令你諗都無諗過嘅位置同另一半啪啪啪。雖然以下嘅12個景點都曾經有勇者試過野外ＯＯ，但請大家真係要務必記住咁嘅行為係有機會惹來官非架！切勿以身試法！
1. 秘魯亞馬遜雨林
亞馬遜雨林周圍都係野生動物，而且仲係響一片嘅叢林當中，真係夠晒野性！曾經喺雨林中啪啪啪嘅網友更加透露，自己當時更加係同導遊黎個一夜情，真係大膽！
2. 中國長城
不到長城非好漢！但去完長城就更有機會成為人地老豆！不過無嘅長城範圍咁大又唔係每一段都有人站崗，無比人發現其實都唔出奇嘅，不過唔會好危險咩咁斜咁高？
3. 紐約尼亞加拉大瀑布
真係濕晒呀！當然會濕晒啦！大姐你喺瀑布旁邊喎！曾經喺瀑布旁邊親熱嘅網友Elizabeth Marie仲話自己當時係喺日落嘅時候mood到同另一半咩咩添，仲話真係會喺樹蔭下被瀑布水濺到，真係幾氣勢磅薄架！
4. 加州死亡谷
熱辣辣熱辣辣，好熱好熱！加州死亡谷出左名熱！亦可能因為呢個原因，natoshabee同佢結左婚7年嘅另一半都覺得熱燙燙咁，於是就喺當地嘅高爾夫球場裡面親熱喇...
5. 土耳其海中心嘅水上電單車
可能你會話海中心其實無咩出奇，但奇就奇在網友charlottep49105a33a當時係喺一架水上電單車上面，於清晨2點鐘時分同一位當地人喺海中心啪啪啪。喂！清晨2點鐘？佢唔怕跌落水比鯊魚食架？
6. 紐約合家歡紀念品店影相機
呢間店鋪擺明就係合家歡場所黎，但誰不知網友emilylynnek竟然就曾經喺入面嘅一部影相機度同另一半有一手。如果比入面嘅客人、職員撞破，睇怕佢地一定會自身難保！
7. 巴哈馬動物園
去動物園唔係睇動物架咩？網友kelseyl4a7dc8a15解釋因為當地個動物園實在悶到人瞓著覺，所以佢同正在一齊度蜜月嘅老公就索性自己娛樂自己，仲話當時有唔少紅鶴陪住自己添...
8. 加拿大威士拿奧運廣場
奧運廣場有乜野特色？當然就係有個奧運五環嘅擺設啦！然後當網友marshallt401f19fbb同當時仲未係佢女朋友嘅對象路過嘅時候，佢地就講笑咁話不如就地喺五環最中間嗰個環親熱。最終講笑就變成左現實，而且佢地仲話應該有唔少路人見證佢地親熱嘅一刻。
9. 阿魯巴嘅大海裡面
喺海裡面浮下浮下，又不時會比海浪打走，竟然咁都可以啪啪啪？又真係得喎！網友amyk4e3c3c069話因為佢另一半非常之高，所以能夠超穩陣咁抱住佢，而且仲無比人發現咁話！
10. 瑪莉皇后號船長室
喺咁多個景點之中，瑪莉皇后號嘅船長室就真係最霸氣！點解？因為船長室唔係個個都入得架嘛，證明網友Kim Geddes真係有一定份量啦！
11. 克羅地亞廢棄發電廠
發電廠咁raw嘅地方都有興致？michelij話自己喺日光日白嘅時候，就同一個前一晚認識嘅音樂家喺廢棄嘅發電廠裡面啪啪啪。
12. 愛爾蘭城堡周邊
喺咁多特色景點當中又點可以無城堡？無錯呀.. 網友brookeb466ad106c當時就同自己嘅丈夫喺城堡附近嘅一角即興親熱，仲話見到城堡啲房同附近小徑嘅人影好刺激添...
