因為受到唔同情況影響，好多時候人都會不期然咁講番個大話，為自己解圍之餘更令自己好過一啲。例如有時候接到另一半嘅奪命追魂Call又無即時覆電話，事後講番句自己當時忙緊或者就能夠緩和緊張情緒。

咁究竟喺一段嘅關係裡面，有邊啲嘅大話係你講完對方都唔會咁易發脾氣，而且仲可以令你輕易過骨嘅呢？睇完下面呢10個例子或者你就會學到野。

1. 「我飲左幾杯咋！」

好多人同啲兄弟出去玩嘅時候，都會因為高興而飲多幾杯，唔覺唔覺就飲到自己wing wing下咁番屋企。入到門口喇喎？已經等你等到唔耐煩嘅另一半，一下劈落黎既當然就係：「你飲左幾多？！」呢句經典對白。面對咁嘅情況，好多時候你輕輕答番佢一半嘅數量佢地都會接受嘅。

2. 「我無望其他女仔呀！」

人本能上其實真係鐘意見到靚野嘅，所以男士自己都明白喺街上見到個靚女，自然都會抬頭望下。雖然大家都會有個咁嘅自然反應，但你儘量都唔好承認自己真係走左去睇女仔好。就算比人發現，你都係補番句「我無望其他女仔呀！」利申番先，佢可能都會側側膊當見唔到架！

3. 「就番架喇我！」

佢地係唔知你去左邊，同埋真係做緊啲乜，但佢地會知道你同朋友玩得好盡興所以暫時仲未番到屋企。當佢地打嚟比你，你基本上都係得兩個回答選項：1)「得啦我咁大個人駛唔駛你管呀？我自有分數！」 2) 「飲埋呢杯就走架喇好快！等多陣啦BB！」所以選擇第二個答案嘅明顯會令你嘅另一半容易接受好多啦！

4. 「係囉！我都覺得你講得好啱。」

雖然對於你另一半講嘅野你未必認同，但如果你真係直接話佢錯嘅話，佢好大可能會超大反應，覺得你身為佢最親嘅人都唔幫佢令佢怒髮衝冠。所以為免令大家突然面阻阻，不如就讚同佢就算啦，咁反為會和好收場。

5. 「我啲兄弟搵我。」

收到一個好耐無見嘅女性朋友來電或短訊，令你喺聽到電話或者睇訊息時笑左一笑，喺呢個情況之下，你嘅另一半可能就會顯得相當敏感，問你同緊邊個傾計。咁你喺呢個時候，同直接答係女仔打黎相反，你可以答佢係啲兄弟搵你，咁就唔會令佢即時反面。

6. 「我唔睇愛情動作片架！」

雖然睇愛情動作片係每一個男人生理上嘅需要，但對於某啲女性嚟講，睇愛情動作片係會一律被視為「偷食」，令唔少男仔都要戰戰兢兢咁偷睇。如果你真係避無可避，另一半真係唔比你睇但又需要解決生理需要嘅話，惟一可以做嘅就係同佢利申自己無咁嘅嗜好，講真真係無傷大雅。

7. 「應承你下次先。」

當你同另一半親熱嘅時候，好多時男方都會選擇喺前戲採取主動先，而並唔係由女方牽引帶領。假如你遇到另一半希望你服侍左佢先，先至到你，而你又唔係好想嘅話，咁你或者可以哄住佢話「下次先啦」，相信佢其實都並唔會介意嘅。

8. 「你係我得到最珍貴嘅一樣寶物！」

講出黎佢一定會信，而且講完佢又會更加喜歡你，何樂而不為？

9. 「我好鐘意伯母。」

可能你心底裡鐘意另一半阿爸多啲，但因為大家都係阿媽生嘅，所以多數都對阿媽個感覺會強烈少少。而為左等你嘅另一半知道你係想融入佢屋企，你或者就可以同佢講自己好鐘意伯母，講到自己阿媽都有佢阿媽咁好就一流咁，自自然然佢都就會對你更有好感。

10. 「我都好愛您。」

愛其實係一樣非常複雜嘅情緒，而坦白講真係唔係個個都識得對愛自己嘅人投以同等程度嘅愛。所以加入你覺得自己付出嘅比唔上自己另一半，好似心底裡面唔夠佢愛自己咁多，其實都唔怕同對方講自己深愛著對方，因為真實感受都只有你一個知道。