一輯婚紗相可以有什麼風格和變化？看看你便知

這輯婚紗相係踏入十月份拍攝的，但當時氣溫仍然係三十幾度，全程都係戶外，其中一站東壩無遮無擋，曬到絕對想死，但好彩新人仍然精力充沛。

我地第一站係西貢，基本上就是圍著西貢周圍影，其實有時候沒有特定要影既目標，反而更好玩，因為你唔知可以影到咩出黎，不過咁樣影新人都要有一定前設，就係唔好理途人，投入拍攝。男仕Gary當然係超模上身，全程非常投入。

第二站東壩，要說去過這麼多城市拍攝婚紗相，可以自豪地說，其實香港也有不少有特色的地方是外國沒有的，如東壩就是其一，當然要到呢度拍攝，唯一既缺點係車程長，但如此具特色，前寒武紀形成的火成流紋岩地形上，成為世界地質公園之一，當然也非常值得。話說新人準備了好多飲品帶去東壩，上到去我地竟然可以在如此炎熱既天氣下一齊飲啤酒，正呀！

尾站就係一個板場，揀呢處地方既原因就係Gary有玩開板，將興趣成為拍攝既一個原素，非常建議，對新人亦特別具有意義。

睇完整輯相，如果加以分析就可以睇到其實係幾多元化，有和暖開心、型住chok或者係chok住型、亦有sweet & candid、當然亦有玩味，對於我地黎講，所謂style跟本唔存在，難道喜歡飲咖啡就唔可以鐘意飲檸茶？鐘意sweet既你唔通唔可以elegant? 係你地一輯相裡面，我地會帶俾你更多既可能性，帶俾你地睇到同埋睇唔到美既一面，一輯相一百幾十張，全部都係一個所謂style，真係唔會悶？

在西貢碼頭的拍攝

煙韌的新人與喺度打躉既阿婆相映成趣。

這種小漁船很具香港特色。

呢張相非常值錢，因為有一枝閃燈在拍攝時跌落海，睇到既在場人士無不感概慨萬分。

檸檬茶檸檬茶！

五金鋪老細都俾我地癲下

東壩高處的美景絕對係好多國家沒有的

現場看到已被它吸引住，用東壩自然形式的石紋，拍出很特別的背景。

東壩特色的T壩石

東壩crossover 日落magic hour + Kel Li，當然係正啦。

我地就讓啤酒充斥整個畫面吧！