開放式廚房好壞話你知 (巨龍)

時下裝修越來越講究個性風格，以前規矩嘅裝修思想早已脫軌。

現時大多數裝修風格以現代簡約為主，如果再搭配個開放式廚房更勝一籌。

再講，香港地居住環境細，廚房面積更係細得可憐，而做成開放式可合理利用空間，令廚房、客廳變大。

不過好多人聽到開放式廚房就會退避三舍，無非都係油煙問題。

其實現時科技發達，已經有好多唔同類型嘅家電、材料去改善油煙問題。裝修佬今次同大家講解下開放式廚房嘅好壞，希望幫到大家。

美觀 

可以將兩個本來相對獨立嘅空間，廚房同客廳連接，令兩個空間嘅裝修風格融合。因為少咗隔斷，客廳內嘅觀感變大，更通透，陽光更充足。 

充分利用空間 

利用地櫃、吊櫃嘅空間安裝支架，放置微波爐、焗爐或安裝掛鉤、杯、調料樽、鍋鏟等，節約位置。 

廚房家電重要性 

開放式廚房最最最主要嘅原因係油煙問題。人有需求嘅時候，科技亦都同時進步。現時大功率油煙機、無煙灶、無煙鍋嘅出現，令我地係選擇開放式廚房嘅時候更加堅定。現時市面上常見嘅抽油煙機為深罩型同淺罩型兩種：深罩型油煙抽淨率喺50-60%，淺罩型抽淨率喺40%左右。 

導煙機 

導煙機係最好嘅廚房油煙解決者，佢利用特有嘅風牆技術，將油煙完全隔離起身，令抽油煙機將油煙全部吸走，真正做到廚房零油煙效果。導煙機由臺灣李水源先生發明創造，獲得20幾項國際發明大獎，係歐美、臺灣、日本大受歡迎。家庭廚房排煙工作由抽油煙機來完成，抽油煙機雖然能排除掉廚房中的大部分油煙，卻無力徹底解決烹飪中產生嘅油煙對整個廚房污染。而導煙機嘅出現，就完全改變呢個現狀。 

活性炭牆 

活性炭牆材應用活性炭多孔原理，配以納米鹼性物質，具有很強嘅吸附分解能力，能夠吸附油煙，而且淨化室內空氣，釋放出負氧離子，令廚房空氣清新。 

整體櫥櫃解決儲物煩惱 整體櫥櫃嘅出現，為開放式廚房解決咗儲物煩惱。整體櫥櫃風格多樣，唔同嘅選擇搭配出唔同感覺。最主要係可以根據實地尺寸大小以及業主需求等，設計出啱自己心水嘅櫥櫃。 

學會享受人生 

時代改變，人嘅生活方式生活節奏亦同時轉變。每日忙碌工作以及香港急促節奏生活，已經無時間、精力去大展廚藝，甚至一個禮拜先煮一次。如果偏忙碌嘅朋友，選擇開放式廚房係唔錯嘅選擇。夜晚放工返到屋企，嘆杯紅酒，坐係吧台，細細品味，開放式廚房係最佳選擇。 幫到大家。

(以上圖片均來自網路，如有任何版權問題，請與本站聯絡)