【限定2個月】船梨精CAFE　忽然嚟香港過暑假！

船梨精不是我杯茶， 但食「主題Cafe」就是我的興趣...…WIRED CAFE短期變身船梨精Cafe，第一時間通知一老一嫩齊齊去食船船。

我問SY:「你知唔知邊個係船梨精？」SY:「知！ 媽媽個杯緣子吖麻，頭頂有支樹葉嗰隻囉」(多得杯緣子不停CrossOver， SY真係學識多動漫人物呀)

可能是短期限定， 所以船梨精食物只有2鹹一甜. 不用說當然全點啦！！

唯一主菜飯食：船梨精咖喱蛋包飯($118)

其實，這個黃色的蛋包飯...…變少少可以做蛋黃哥、布甸狗都得，好方便喎...…因為不是粉絲，無情地落刀都不覺可惜。

我:「哎呀！算幾好喎，有菇菇，有火腿，船梨精個腦係西炒飯嚟喎」。

最愛西炒飯的SY:「好食過樓下我哋叫嗰間。」(無得比啦...…樓下係快餐店)。

最神奇就是極度抗拒雞蛋的小朋友，今日自願食了船梨精細半塊面，問極也不告訴原因，我估計可能蛋炒得夠嫩，又略帶微甜吧！

船梨精漢堡包($98)，一個雞肉、一個牛肉組成的漢堡包。

SY不停食薯條不停說:「爸爸！媽媽！你哋一人一個，我食薯條就得，啲薯條真係好食呀！」(係！連薯皮都炸埋嘅)。

為了不想「薯條怪」獨霸全盤薯條太熱氣，每次我也要與他爭食。

我:「你唔可以淨係食薯條呀！我切一半雞堡、牛堡，你幫我試一試味，睇下邊個好食啲啦。」

用任務來分散他的注意力，目前仍然萬試萬靈。SY:「我鍾意牛有芝士，不過，其實船梨精係咪得一個？ 點解兩個漢堡包都一樣樣嘅。」

爸爸不是船梨精絲，最多只知她是日本船橋的吉祥物，因為船橋盛產雪梨，所以才被命名。

不過如果同樣價錢，我又不介意給我4個一樣的的船梨精漢堡包，因為實在份量太細。

船梨精檸檬雪梨汁($58)， 撇開價錢，這杯特飲足料又順喉，底部有大量雪梨粒...…略貴啦！！ (送埋隻杯就抵！)

船梨精熱香餅($88)，本來就是一個普普通通的熱香餅，最精髓就是  Funassyi 頭頂的雪梨及藍色忌廉的身體...…

我問店員，是否來自船橋？ 她答:「我只係知道係日本嚟，但唔清楚係咪船橋喎」真的香甜。阿太:「我仲以為浸咗糖水添，超香甜。」

SY正在食扮身體的藍色忌廉說:「真係好似船梨精身體喎...…爸爸！你快啲食啦...…啲忌廉好好食」

熱香餅配忌廉很不錯，但我放得太多糖醬...…(後悔中)

船梨精周邊商品，例如主題襟章，點船梨精飲品送一個。

$462元可以買套裝精品...…好彩我家沒人迷上船梨精，否則又要破財喔！

7月7日船梨精親身現身， 集郵就記得當日走來啦！！ (我：點解今日無嘅...…慘)

WIRED CAFE

地點：銅鑼灣軒尼詩道 500 號希慎廣場 14 樓 1403-04 號舖
船梨精限定由即日至8月31日

大仁生活