廣告最重要係咩？就係吸引到目標受眾注意力，帶出客戶想表達嘅訊息但又唔會Hardsell。不過做廣告，一向都係創意無限，但Budget有限。要點樣先做到前述兩個目標？今次筆者就搵來十個具創意嘅廣告設計，俾大家睇原來廣告，係可以咁簡單，完全唔使咩大製作。
1.麥當勞免費Wifi
用麥記最出名嘅薯條，砌成一個代表Wifi標誌，嘅可以令廣告變得同自己公司有關連，但又講得出重點係個Wifi，認真聰明。不過啲薯條彎得咁靚…真係同實物一樣：又淋又難食…
2.KitKat
KitKat朱古力最多人識係乜？就係拆開個下見到一排排朱告力係度。而今次呢間設計公司就夠創意，將一排排街邊坐椅油成啡色，再畫埋個KitKat包裝紙上去。咁就變成一排巨型KitKat，真係有近視嘅都睇到佢想Sell乜野。
3.Volkswagen輔助泊車
筆者自己無揸開車，不過坐過人地車唔少，就知泊車呢樣野真係幾慘。而德國Volkswagen，就用咗一個幾有趣方法，去宣傳佢地新車有嘅泊車輔助係統。用隻箭豬加三袋金魚、就你知用咗佢地嘅泊車輔助係統，就算好似隻箭豬咁都唔怕會整到堆金魚喇！（唔係應該會見到一大灘水、同三條死魚）
4.珍寶珠無糖產品
依家咩都要講健康，不過連糖果都要賣健康出無糖版本，要幫佢整個廣告出來應該幾頭痕。不過珍寶珠就有方法，搵堆蟻來話你知：呢粒珍寶珠無糖，連佢地都唔會袋著先！
5.WMF廚具 菜刀
想話人知把刀有幾利，講都無用，有圖就有真相！睇佢連塊板都切埋，就知把野有幾利。（不過又真係誇張咗小小）
