伍文生、Kelvin Li 分享創業成功之道

日前伍文生Isaac 同 Kelvin Li 於觀塘Shy Dance Cafe 舉行業務分享會，30多名創業家出席活動，歌手周婉婷Lemon 出席支持，活動中Isaac同Kelvin 兩人分別分享其創業成功之道。

分享會首先由勵志百貨的Kelvin Li分享成功經過，他表示勵志百貨創業4年，期間相當辛酸。他覺得能夠成功，是因為幫客戶建立香港品牌，產品夠獨特。另外創業不忘為年青人製造機會。未來發展希望以日本城為目標，除本地市場外，未來會開拓國際市場，覺得視野夠闊，才能站得住腳。

Kelvin 能在1年時間，由深水埗開到旺角，之後再開觀塘同屯門分店，十分利害。問到為什麼開到旺角，舖租應該不平。佢就話旺角都可以搵到平租的，就好似之前Chic之堡，平租對創業好緊要。另外除咗街客之外，公司客同學校客源都是他主要吸納對象。

Kelvin(左2) 將同Isaac(右1)合作，9月在太子開Shy Dance Cafe。

之後到Shy Dance Cafe的Isaac分享開餐飲經驗，這位前TVB演員大家應該唔會陌生，開Cafe前跟外父學師2年，學到外父招牌菜。他說他開早餐店有一個好處，因為顧客每天多數都食同一樣東西，所以款式不需要太多。當早餐店穏定後，他就開這間Shy Dance Cafe，開樓上Cafe 好處係租平，地方大。如果大家有興趣可以同佢傾合作，幾個人夾唔洗好多錢就可以開到。

Isaac 如果大家想創業，只要踏出第一步，自己出錢，一定會用心去做。亂世就有機會，是創業好時機。年青人長處是有創意同時間，只要平時打少啲機，花多點時間上下網做下宣傳，一定會有不錯的成績。他舉例說：每次做完訪問生意都有3成升幅。

周婉婷Lemon聽完分享後，都心旭旭想創業，她說如果她創業，打算做化妝美容，因為平時化妝多，接觸得多化妝品知道什麼好，不過現在會先努力演藝事業，將來搵到錢再做生意都未遲。

活動中有酒商帶來愛沙尼亞出產的手工啤酒給來賓品嚐。