梁皓婷Shadow 再戰舞台

久別舞台，真係好開心好期待。終於又再可以係台上面擔當十分鐘的主角。好耐無試過企係一個大台上面唱歌，記得以前比賽既時候，往往會因為緊張而影響到表現。好多時都忘記左自己其實應該好好享受舞台。

過去幾年做過唔同既工作去過唔同既地方唱歌累積左唔少經驗，今次終於可以真真正正咁樣享受台上面嘅每一刻。今次演唱會我真係好享受，好珍惜，因為我清楚知道每一表演機會都得來不易。真係好感激公司比機會我，可以再次唱歌仲可以同台下面既觀眾一齊玩大合唱，真係好難忘。