靚仔男神當然係大家都鐘意架啦！但如果佢地真係得個殼，性格、內在完全都係悶死人，唔知又會有幾個女仔仲會選擇同佢地拍拖呢？講真喎如果只能夠喺「悶死人嘅靚仔」同「同你有共同興趣及有趣嘅醜男」共度餘生，唔知道你地又會點選擇？！
對於呢個咁難取捨嘅問題，幾日之前日本網站マイナビウーマン就邀請左106位22至34歲嘅OL姐姐接受調查，睇下女士最終究竟會點樣選擇同佢地嘅原因。唔知道您地又認唔認同佢地嘅講法？
▼ 非常有趣嘅醜男 ▼
令人非常驚訝地喺接受調查嘅OL姐姐當中，竟然就有62.9%揀左「非常有趣嘅醜男 」！！原來大部分嘅日本女仔心底裡面，所追求嘅始終都能夠令自己開心嘅男仔，而並非佢地軀殼。此外，選擇呢個答案嘅女仔更加表示，「非常有趣嘅醜男」因為能夠為自己嘅人生帶來歡樂，再加上兩個人有共同目標，所以直覺覺得同佢地喺埋一齊嘅話關係亦都會較為長久，認為兩個人相處嘅感覺比視覺來得重要。
▼ 悶死人嘅靚仔 ▼
至於選擇「悶死人嘅靚仔」嘅OL姐姐就反擊，覺得佢其實就算佢地份人超級無聊又唔識哄人開心，自己見到佢個靚仔樣就已經會覺得非常開心，唔需要男方講笑話。另外亦有受訪者表示因為自己偏好安靜嘅男仔，所以就會選擇靚仔而並非識得講笑嘅醜男。
但當然講到底啦... 兩邊嘅支持者最後都係好難認同對方嘅想法架喇.... 因為講真如果係鐘意靚仔，就算佢地好核突咁挖鼻屎，支持者都會覺得佢好得意...
▼ 所以有時候呢... 「您的樣子如何」真係無講錯架囉（灰 ▼
來源：マイナビウーマン
