成日拍拖都會分手收場，自己又唔知自己死因？您或者已經犯下多個男人拍拖時都必犯錯誤，令自己身邊嘅另一半大失信心。究竟點樣先至可以留住另一半個心，令佢地信任您將自己嘅終身交比您？快啲睇清楚下面嗰8點，即刻改左佢啦！

1. 講大話

無錯男女朋友之間有時無可避免都會有少少秘密唔講得比另一半知道，但守秘密同講大話其實係有好明顯嘅分別，兩者係唔可以混為一談。秘密係指唔會傷害到任何人嘅事情，但大話即係你有衰野要隱藏，而且係會傷害到人嘅。所以真係要分清分楚，無謂令對方猜疑。

2. 唔想放手

都知道無人想放手或者係做講分手嗰一個人，但如果一段感情真係唔能夠維繫落去，分開其實係唯一一個選擇。所以當遇上唔適合嘅對象嘅時候，為左大家著想，都係儘早放手，無謂浪費時間。

3. 爭執慣性講「無野」

同另一半嘈交對質嘅時候，因為自己已經非常疲累唔想再嘈落去，你就會習慣講「無野喇」令自己嘅睇法屈住喺心入面，同時亦都令對方無法理解你嘅感受，無法解決兩個人之間嘅爭議，累積起兩個人嘅矛盾點。

4. 想改變另一半

人其實去到某一個年紀，好多野都已經成為左佢地嘅習慣，所以例如您想改變對方興趣、性格等嘅時候，其實根本可以話係無可能發生。另外如果當您有住要改變另一半呢個想法嘅時候，您或者應該重新思量面前嘅另一半究竟係唔係你鐘意嘅人，定抑或您只係鐘意佢個外型。

5. 經常喺埋一齊無屬於自己嘅時間

雖然可能你係好鍚你嘅女朋友，想無時無刻都同佢喺埋一齊，但其實經常糖痴豆咁形影不離亦都代表左你地無自己私人時間，一定要去做另一半鐘意嘅事情。長久之下如果相處過久，經常都要遷就對方，好容易就會令大家厭倦另一半。

6. 同對方關係疏離

經常喺埋一齊嘅另一極端，就係比大家太多自由而喺對方身上花太少時間，令佢地開始覺得自己無人關心，幾乎忘記左自己身邊其實係有另一半。假如您真係喜歡對方，其實就算有幾忙都會識得抽時間同另一半共處，而並唔係無視左對方嘅存在。

7. 無咩情趣

同另一半親熱嘅時候，因為已經習以為常而無咩特別驚喜，令對方開始失去同您親熱嘅興趣，開始出現距離。

8. 太早講「我愛您」

「我愛您」並非代表一切，亦都唔能夠解決二人之間存在已久嘅問題，以及感情上嘅缺憾。關係開始動搖嘅時候，重要嘅係要解決出現左嘅問題，而並非單憑一句深愛對方就能夠將關係療癒。