雖然產假對於大部分人黎講都係媽媽天經地義可以獲得嘅假期，但美國近日就有一名女士平權支持者梅根‧弗耶卻認為「產假」係屬於懷孕婦女嘅一種特權，因此希望能夠喺工作上爭取女士人人平等，無論有冇大肚都可以放一個前四後六嘅大假。對於弗耶嘅講法，唔少網友都有住非常大嘅反應，支持同反對都各執一詞。咁究竟「產假」係唔係真係屬於一種特權呢？
38歲嘅弗耶喺接受紐約郵報訪問嘅時候表示，自己並唔明白點解只有大肚嘅女同事先至可以放一年大假，質疑咁樣係一種大肚同事先有嘅特權，容易令到放假個一位嘅工作推卸到其他同事身上。弗耶更以自己嘅一本著作舉例，指出曾經就有一位患有毒癮嘅女士喺扮作懷孕放假一年之後，能夠令自己休養，因此強烈建議公司應該設立類似產假嘅大假比女同事充充電，之後重返崗位。
▼弗耶認為「產假」應該擴展到所有同事身上，人人平等。
聽過弗耶嘅提議之後，唔少網友都覺得佢嘅言論非常可笑，反問弗耶係唔係覺得真正放產假嘅女士每日都好似渡假一樣遊手好閒，直斥佢無知得嚟分明想呃Like，想為自己製造名氣搏出位。
反對將產假擴展到非懷孕同事嘅網友認為，懷孕對於每一個家庭黎講都係一個非常重要嘅抉擇，需要深思熟悉同衡量先至可以實行，係一個跟住自己成世嘅責任。而當中所為孕婦帶來嘅假期，其實亦都並唔係比女士擁有特權去懶懶閒過日晨，相反係要確保女士所誕下嘅小朋友得到母親照顧，係以下一代為出發點，因此覺得產假其實並唔輕鬆，並同特權扯唔上關係。
▼有網友認為產假並唔係母親嘅特權，真正受益嘅只係剛剛誕生嘅小朋友。
但另一邊箱亦都有人力撐弗耶，覺得應該人人平等，例如當有家人病重嘅時候都應該同樣獲得類似嘅待遇，令佢地可以暫時放底工作照顧屋企人。另外亦覺得公司其實可以因應員工個別狀況，喺適當時候提供處理私事，之後先重返職場。
而對於呢兩種嘅睇法，目前反對將產假擴展到非懷孕同事嘅人數則較支持者稍多，有51%。
來源：英國每日電訊報
